İlk küz ayınıñ 21-nde işğal etilgen Qırımda Ukrayina Mudafaa nazirliginiñ Baş istihbarat idaresiniñ "Prımarı" mahsus bölüginiñ arbiy hızmetçileri tarihta ilk sefer eki Rusiye Be-12 "Çayka" amfibiya uçağını yoq ettiler, em de Mi-8 çoq maqsatlı Rusiye vertolötını urdılar.
İlk küz ayınıñ 22-nde Mudafaa nazirliginiñ Baş idaresi Facebookta bu aqqında haber etti.
"Be-12 "Çayka" amfibiya uçaqları suvastı gemilerni tapmaq ve olarnen küreşmek içün qıymetli aletlernen donatılğan", — dep Bİİ qoştı.
Bundan evel Bİİ bildirdi ki, ilk küz ayınıñ 21-nde "Prımarı" mahsus bölügi işğal etilgen Qırımda üç işğalcilerniñ Mi-8 çoq maqsatlı vertolötını ve qıymetli 55J6U "Nebo-U" Rusiye radiolokatsiya stantsiyasını urdı.
Hatırlatamız ki, ilk küz ayınıñ 1-nde Mudafaa nazirliginiñ Baş idaresi bildirdi ki, "Prımarı" mahsus bölüginiñ dronları işğal etilgen Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Gvardiyskiy ava bazasında eki duşman Mi-8 vertolötını urdı. Bozulğan helikopterlerniñ fiyatı, Bİİniñ malümatına köre, 20-30 million dollar ola. Bundan da ğayrı, istihbarat, işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) körfezinde çekmeciniñ zarar körgenini bildirdi.
İşğalcilerniñ bildirgenlerine köre, ilk küz ayınıñ 21-nde aqşam uçucısız uçaq aletiniñ ketirgeni zarar neticesinde işğal etilgen Qırımda "Foros" şifahanesiniñ toprağında bir qaç obyekt zarar kördi. Köyde mektepniñ binaları da zarar kördi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
