İşğalli Keriç mahkemesi, transgender faalci Liliya Hvılkanı "Rusiye ordusı aqqında yalanlar tarqatqanı" ve "narkotik saqlağanı" içün 5 yıl ve 6 ayğa mahküm etti. 2022 senesiniñ küzünde Qırım sakini işğal etilgen yarımadadan qaçıp ketti.
Liliya Hvılka Suspilne Qırımğa bunı bildirdi.
O, eñ yaqın vaqıtta işğalcilerniñ ükmüne itiraz bildirmege planlaştırğanını qayd etti.
"Men bu şikâyetniñ, em de esansnıñ obyektivligine inanmayım, amma işğalli mahkemeler ve prokuraturalarnıñ vaqtını ve iş küçüni almaq mümkün olsa, bunı yapmaq kerekmiz", — dep Hvılka qayd etti.
Qırımlı qadın, üküm sebebinden onıñ "ruhiy vaziyeti yaramay" olğanını, amma bu aqqında daa az tüşünmege planlaştırğanını tarif etti.
İşğalciler Qırımdan qadınnı, 2022 senesi çiçek ayınıñ 8-nde Kramatorsk vokzalına Rusiye raketa ücümine dair yazısı içün qabaatlaylar. 61 insan elâk oldı, 120-den ziyade yaralandı.
"Men qabaatımnı tanımayım. Bu qabaatlavlar siyasiy ola", — dep Qırımdan qadın qayd etti.
Bundan soñ Liliya Hvılka tutuldı. O, Suspilne Qırımğa işğalden nasıl qurtulğanını ve Qırımdaki LGBT toplulığınıñ temsilcileriniñ taqip etilüvini tarif etti. Liliya — Keriçten transgender qadındır. Qırımda öz kimligini gizlemege mecbur oldı. Anda onı İllâ Ğantsevskıy olaraq bile ediler.
"Qırımdan ketkende ev apsinde edim, ayağımda elektron bilezik bar edi", - dep tarif etti faal.
Bilezikni Liliya kesip aldı. Ukrayina doğma şeadetnamesinen Rusiye ve Belorusiye toprağından çıqmağa mecbur oldı. İnternetten tapılğan göñüllilerniñ yardımınen. Şimdi o, mahkemelerge uzaqtan barmaq içün izin almağa tırışa.
"Projektor" teşkilâtınıñ malümatına köre, işğal etilgen topraqlardan çıqqan eñ az 50 insan LGBT kimligi sebebinden azap ve zorbalıqqa oğradı. Yedi zarar körgen insan uquq qorçalayıcı organlarına muracaat etti. Ve bu cinayetlerniñ 13 şaatı bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
