Rostov-na-Donu şeerindeki Cenübiy bölgeniñ arbiy mahkemesinde "dava"nıñ birinci mahkeme oturışında Serğiy Kozlov ve Yevheniya Samoylova öz qabaatını qısmen tanıdılar. 2024 senesi çiçek ayında işğalciler Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Keriçli çiftni tuttılar ve 2025 senesi oraq ayına qadar bulunğan yeri aqqında bir şey belli degil edi. Olarnı "terrorizm, devlet hainligi, terrorizmge azırlanuv, patlayıcı maddelerniñ qanunsız satın aluvı, saqlavı, taşıması ve taşıması"nda qabaatlaylar.
TASS Rusiye devlet agentligi bu aqqında yazdı.
"Men qabaatımnı bütünley qabul etem", — dep Serğiy Kozlov mahkemeciniñ qabaatını qabul etüv aqqında sualine cevap berdi. Yevheniya Samoylova da qabaatını tanıdı, lâkin onıñ areketleri siyasiy duşmanlıq sebebinden yapılğanınen razı olmağanını qayd etti", — dep mahkeme salonından "TASS" mühbiri yazdı.
Qırımlı bir çift — 25 yaşındaki Serğiy Kozlov ve 26 yaşındaki Yevheniya Samoylovanı işğalciler "Z ve V timsallerinen maşnanı ateşke berüv"de, em de "Qırımda demiryollarını patlatmağa azırlanuvda ve Sevastopolda Rusiye Silâlı quvetleriniñ askerini öldürüv"de qabaatlaylar. İşğalcilerniñ malümatına köre, olar Ukrayina Mudafaa nazirliginiñ Baş istihbarat idaresi içün çalışqan ediler.
"Sevastopol prokurorlığınıñ malümatına köre, Keriç sakini Serğiy Kozlov 2023 senesi ilk küz ayında ukrayin istihbaratınen bağ qurdı ve ömür arqadaşı Yevheniya Samoylovanı işbirlikke celp etti. "İdareci"niñ vazifesine köre, o, Molotov kokteyllerini ve öz başına yapılğan patlayıcı aletlerni yapmağa ögrengen edi. 2023 senesi orta küz ayında Kozlov Keriçte Z ve V timsallerinen maşnalarnı ateşke berdi, tahqiqat versiyasına köre, 860 biñ ruble (qararnen 345 biñ ğrıvnâ) zarar ketirdi", — dep TASS yazdı.
İşğalli uquq qorçalayıcılarnıñ aytqanlarına köre, soñ "idareci" Kozlov ve Samoylovğa Qırımdaki demiryollarını patlatmağa ve Sevastopolda (Aqyarda) Rusiye arbiy hızmetçisini öldürmege emir etti. Lâkin, Rusiye tahqiqatınıñ versiyasına köre, bu planlarnı ömürge keçirmege yetiştirmediler — 2024 senesi çiçek ayında ekisi Sevastopolda (Aqyarda), saqlanğan yerinden eki patlayıcı aletni yapmaq içün malzemelerni almağa tırışqanda yaqalandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
