Mahkemede "Varâg" arbiy-vatanperver klubınıñ ve "Qırım sıñırcılar birligi"niñ yolbaşçısı cenk adetlerini bozğanında qabaatlandı. Tahqiqatnıñ malümatına köre, o, işğalciler balalarğa istihbarat-diversiya faaliyetini, silâ qullanuv usullarını ve uçucısız uçaq aletlerini idare etmege ögretecek "lager"niñ qurucılığını idare ete.
UHHniñ Qırım Muhtar Cumhuriyetindeki Baş idaresiniñ matbuat hızmeti bunı bildirdi.
İşğal etilgen Qırımda balalarnı arbiyleştirici merkezi Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) teşkil etile. Tahqiqatnıñ malümatına köre, o, manialar şeriti, skeledrom, atuv yerleri ve dalıcılıq içün suvnen donatılacaq, bu "leyha"nıñ maliye etilmesi ise cinaiy dava mabüsi tarafından Putinniñ grant fondundan alındı.
"Duşman yardımcısınıñ ukrayin balalarını "zombalama"da büyük tecribesi bar ve o, bunı 2017 senesinden berli yapa. Onı devletimizge qarşı yapılğan cinayetler içün mesüliyetke çekmek içün kompleks tedbirler alıp barıla", — dep UHH bildirdi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı mahkemege qabaatlav aktını yolladı, onıñ areketleri cenk qanunları ve adetleriniñ bozuluvı olaraq tanıldı (Ukrayina CQniñ 438-nci maddesiniñ 1-inci qısmına binaen).
"Emek, sport ve zenaat ögüne terbiye esasında o, 14 yaşından başlap balalarnı duşman ordusında arbiy hızmetke azırlay. 2020 senesi "Radio/Qırım" teşviqat mediasına bergen intervyusında qabaatlanğan adam, böyle "telim"ge daa çoq gençniñ celp etilmesine yardım etmek içün, gençlerni RF silâlı quvetleri içün askerlikke kütleviy çağıruv yedegini azırlağan mahsus oquv merkezlerine muracaat etmege çağırdı", — dep prokurorlıq qoştı
O, 12 yılğa qadar mahküm etile bile.
Hatırlatamız ki, oña 2025 senesi çiçek ayınıñ 9-nda ğıyabiy şekilde qabaatlav bildirildi. "O, 2017 senesi işğal etilgen Qırımnıñ Simferopol (Aqmescit) şeerinde "Varâg" arbiy-vatanperver klubını meydanğa ketirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
