Ukraina uquq qorçalayıcıları 2017 senesi işğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde qurğan "Varâg" arbiy-vatanperver klubı"nıñ yolbaşçısına şübeli olğanını bildirdi. Cenk qanunlarını ve adetlerini bozğanına dair maddege köre, 12 yılğa qadar apis cezasını ala bile.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlıpı bu aqqında haber etti.
Emek, sport ve ihtisasiy ögrenüv esasında teşkilât 14 yaşından başlap balalarnı Rusiye ordusında arbiy hızmetke azırlay, dep müessise qayd etti.
Bundan da ğayrı, adam 2019 senesi boş aydan berli "Qırım sıñırcılar birligi" cemaat teşkilâtınıñ yolbaşçısı ola.
Ukraina havfsızlıq hızmetiniñ Qırım Muhtar Cumhuriyetindeki baş idaresiniñ malümatına köre, şübeli Simferopoldaki (Aqmescitteki) "qamaçav" qurucılığını idare ete, onı manialar şeriti, skeledrom, tirler ve dalıcılıq azırlığı içün suv anbarı ile donatmağa planlaştıralar. "Leyha" leyhası Putinniñ mütenasip fondundan berilgen grantlarnen maliye etile.
Taqiqatnıñ malümatına köre, anda Qırım balaları istihbarat-diversiya faaliyetini, silâ çeşitlerinden ateş tehnikasını ve dronlarnı idare etmege ögrenecekler.
Qırım Muhtar Cumhuriyetiniñ prokurorlığınıñ bildirgenine köre, 2020 senesi bir adam "Radio/Krım" Rusiyege qoltutqan matbuat vastalarına bergen intervyusında Rusiye ordusına askerlikke kirmege teklif etken edi.
"Ayrıca, gençlerni vatanperverlik-arbiy terbiyesi merkezlerine ve duşman ordusı içün mobilizatsiya yedegini azırlağan mahsus oquv yurtlarına muracaat etmege çağırdı", — dep müessise qoştı.
"Almenda" vatandaş maarif merkeziniñ yolbaşçısı Mariya Sulâlinanıñ bildirgenine köre, 2025 senesi çiçek ayına qadar Qırımda 260 kadet sınıfı çalışa, keçken senege köre 63-ke çoq. Umumen yarımadanıñ mekteplerinde arbiy işlerni 6 265 bala ögrene.
Aynı zamanda bu ukrain teşkilâtınıñ malümatına köre, Herson vilâyetiniñ işğal etilgen qısmında 9, Zaporijjâ vilâyetiniñ duşman kontrol etken topraqlarında — 13, Lugansk vilâyetinde — 86 kadet sınıfı çalışa. Donetsk aqqında iç bir malümat yoq.
Hatırlatamız ki, işğal vaqtında Qırımda 200 biñden çoq bala doğdı. Olar haber izolâtsiyası şaraitinde, rusiye teşviqatınıñ tesiri altında ösip, özleri rus olğanlarını ve Ukrainanı duşman olaraq körgenlerini ögrendiler. Ukraina prezidentiniñ Qırım Muhtar Cumhuriyetindeki temsilciligi, bu balalarnıñ Ukraina medeniy ve haber alanına qaytması eñ az on yılğa kerek, dep saya.
Devlet ögünde olğan çağıruvlar ve işğal etilgen topraqlardan gençlerniñ reintegratsiyası strategiyası aqqında — Suspilne Qırım muarririyeti ögrendi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
