Qırımda işğalciler "aşırıcılıqqa açıq çağıruvlar" içün Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinine qarşı cinaiy dava açtılar. "Tahqiqat"nıñ malümatına köre, o, Telegramda ruslarğa qarşı zorbalıq areketlerine çağıra edi.
Oraq ayınıñ 16-nda FSBniñ Qırım ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) işğalli idaresi bunı bildirdi, dep RİA "Novosti Krım" Rusiye haber agentligi haber etti.
"Simferopolniñ 1984 senesi doğğan sakini Telegramda, ruslarğa qarşı zorbalıq areketlerine çağıruvlarnen, bir mesaj derc etti. Keçirilgen til ekspertizası derc etilgen materialda aşırıcılıq alâmetleri bar olğanını tasdıqladı", — dep neşir Rusiye mahsus hızmetiniñ malümatını yazdı.
Hatırlatamız ki, Sevastopolnıñ (Aqyarnıñ) Gagarin bölgesiniñ mahkemesi 30 yaşındaki yerli sakinni "İnternet ağını qullanıp, aşırıcı faaliyetke çağıruvlar yapqanı" içün 2,5 yıl şartlı apis cezasına mahküm etti.
Evel Avropa insan aqları mahkemesi "Borovınskıy ve digerleri Rusiyege qarşı" davasında qarar aldı, bu da kelecekte Rusiye Federatsiyasınıñ, hususan işğal etilgen Qırımda yapqan cinayetleri boyunca halqara davalarda esas delil ola bile.
Bundan da ğayrı, oraq ayınıñ 16-nda Qırımtatar maaliy merkezi Birleşken Milletler Teşkilâtınıñ ırqçılıqnıñ zemaneviy şekilleri meselelerinden mahsus maruzacısına "Qırımnıñ işğali çerçivesinde ırqçılıq, ayırım ve silâlı zıddiyet" esabatını berdi. O, Birleşken Milletler Teşkilâtınıñ Baş Assambleyasınıñ 80-nci sessiyasında çıqarılğan maruzada qayd etile.
Bundan evel Suspilne Qırım muarririyeti işğalcilerniñ aşırıcılıqnen küreş adı altında Qırımdaki muhalifetni yoq etkenleri aqqında tarif etti. Jurnalistler Qırım advokatı ve daa çoq "E merkezi" olaraq belli olğan Rusiye İçki işler nazirliginiñ aşırıcılıqnen küreş merkezinde tutulğan Qırımda yaşağan qadınnen anonim şartlarda laf ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
