Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Gagarin bölgesiniñ işğalli mahkemesi 30 yaşındaki yerli sakinni "İnternet vastasınen yapılğan aşırıcı faaliyetke açıq çağıruvlar" içün şartlı olaraq 2,5 yıl apis cezasına mahküm etti.
Oraq ayınıñ 16-nda işğalli Sevastopol (Aqyar) prokurorlığı Telegramda bunı bildirdi.
Bundan da ğayrı, mahküm etilgen adamğa 2,5 yıl devamında sayt, kanal, saifeler, onlayn subetlerni idare etmek yasaq etildi.
İşğalli mahkeme onıñ cep telefonını tutıp aldı, çünki o, "aşırıcı beyanatlarnı derc etken edi".
"Tahqiqat"nıñ malümatına köre, 2024 senesi ilk küz ayında Telegram haber kanalında yazılarnı izaatlap, adam "milliy ve tamır toprağı boyunca ayırılğan insanlarğa qarşı zorbalıq areketleri"ne çağıra edi.
Bundan evel Suspilne Qırım muarririyeti işğalcilerniñ aşırıcılıqnen küreş adı altında Qırımdaki muhalifetni yoq etkenleri aqqında tarif etti. Jurnalistler Qırım advokatı ve daa çoq "E merkezi" olaraq belli olğan Rusiye İçki işler nazirliginiñ aşırıcılıqnen küreş merkezinde tutulğan Qırımda yaşağan qadınnen anonim şartlarda laf ettiler.
Hatırlatamız ki, Avropa insan aqları mahkemesi "Borovınskıy ve digerleri Rusiyege qarşı" davasında qarar aldı, bu da kelecekte Rusiye Federatsiyasınıñ, hususan işğal etilgen Qırımda yapqan cinayetleri boyunca halqara davalarda esas delil ola bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
