Rusiye Mudafaa nazirligi, oraq ayınıñ 1-ne keçer gecesi işğal etilgen Qırım üzerinde ava mudafaası tarafından 17 uçucısız uçaq aletini yoq etkeni ve toqtatqanını bildirdi. Aynı vaqıtta yerli sakinler Keriç ve Feododiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) patlamalar eşitkenlerini bildirdiler.
Rusiye Mudafaa nazirligi Telegram kanalında bunı bildirdi.
Rusiye nazirligi, bir gecede 60 "ukrayin uçucısız uçaq aleti" yoq etilgenini qoştılar.
Yerli sakinler "Qırım yeli" Telegram kanalına bildirdiler ki, saat 00:20-den 00:50-ke qadar Keriç ve Feodosiyada (Kefede) patlamalar duyuldı.
Bu vaqıt Qırım köpründe maşna areketi qapatılğanınen bir kele. O, saat 12:22 — 1:54 arasında qapalı edi, dep köpürniñ avtoyürüş noqtalarındaki vaziyet aqqında malümat merkezi bildirdi.
Hatırlatamız ki, ilk yaz ayınıñ 25-ne keçer gecesi Qırımda patlamalar duyuldı. Yerli kütleviy haber vastalarınıñ malümatına köre, Canköy rayonı ve Keriç zarar kördi. Rusiye Mudafaa nazirligi işğal etilgen Qırımda dört uçucısız uçaq aletiniñ tüşürilgeni aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
