İlk yaz ayınıñ 25-ne keçer gecesi işğal etilgen Qırımda patlamalar duyuldı. Yerli kütleviy haber vastalarınıñ bildirgenine köre, eñ çoq zarar Canköy rayonı ve Keriç kördi.
"Qırım yeli" Telegram kanalınıñ malümatına köre, ücüm ilk yaz ayınıñ 24-nde Kıyiv vaqtına yaqın saat 23:00 başlandı. İlk patlamalar Canköy rayonında duyuldı.
Saat 23:10 kanal Keriçte patlamalar aqqında haber etti. Tünevin yarı gecege yaqın o, Canköyniñ ava limanına ücüm etkeni aqqında bildirdi.
"Canköy ava limanına ücüm etildi, dep abuneciler bildirdiler", — dep aytıla haberde.
Ukrayina ve Rusiye tarafından bu malümatnıñ resmiy tasdıqı yoq.
Rusiye Mudafaa nazirligi işğal etilgen Qırımda dört uçucısız uçaq aletinşñ yoq etilgeni aqqında bildirdi. Daa dört, Rusiye müessisesiniñ malümatına köre, Qara deñiz üzerinde uruldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
