İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) "gubernatorlıq mektep iş taqımları" çalışıp başladı. Yaz tatillerinde balalarnı "SVOMahsus cenk operatsyası — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqat efemizmidir. qaramanları"na bağışlanğan abideleri ve şeer bağçalarını temizlemege mecbur eteler.
Milliy muqavemet merkezi bunı bildirdi.
"Balalar raatlanmaq yerine işğalli memuriyet içün çalışmağa mecburlar. Tek parklarnı degil de, Ukrayinağa qarşı cenkleşken işğalciler olğan "SVO qaramanları"na bağışlanğa abidelerni, şeer bağçalarını temizleyler. "Çalışqırlıq terbiyesi" laflarınıñ artında adet üzre qullanuv ve teşviqatta iştirak etüv mecburiyeti bar. Bala ellerini "halqnıñ cenkke qoltutuvı" içün qullanalar", — dep MMM bildirdi.
Evel Ukrayina prezidentiniñ Qırımdaki temsilciligi tenbiyeledi ki, Sevastopolnıñ (Aqyarnıñ) işğalli memuriyeti mektep talebeleri içün "emek semestri"ni kirsetti. Balalarnı yaz tatiliniñ yerine kommunal obyektlerde, hususan qurucılıqta çalışmağa mecbur eteler.
Rusiye akimiyeti 2026 senesi vaqtınca işğal etilgen topraqlardan (VİET) 56 biñ ukrayin balasını işğal etilgen Qırımdaki "Artek" bala lagerine "sağlıqlandırıluv" ve "terbiyelev" içün yollamağa planlaştıra.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
