Bozarğan aynıñ 16-nda işğal etilgen Qırımda furtuna havfı ilân etildi. Yağmur, boran, burçaq ve küçlü yel beklenile.
İşğalli Qırım FVN bu aqqında haber etti.
"Qırım gidrometeorologiya ve etraftaki müitniñ nezareti idaresiniñ malümatına köre, bozarğan aynıñ 16-nda aqşam Qırımnıñ merkeziy, şarqiy ve cenübiy rayonlarında küçlü yağmurlar, burçaq, 15-20 m/s boranlı yelniñ quvetleşmesi beklenile", — dep aytıla haberde.
Hatırlatamız ki, Qırımda bozarğan aynıñ 14 ve 15 künleri de ava şaraiti fenalaştı, bu sebepten furtuna havfı ilân etildi. Aynı zamanda fevqulâde yanğın telükesi bar edi.
Bundan da ğayrı, mayısnıñ 1-nden başlap yarımadada yanğınğa qarşı mahsus rejim çalışa. İşğalciler, hususan, ormanlarğa barmağa sıñırladılar.
Milliy muqavemet merkeziniñ mütehassıslarınıñ fikirince, yasaqnıñ asıl sebebi ormanlarda yerleşken arbiy obyektlerni ğayıp etmek qorqusıdır.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
