İşğal etilgen Qırımda kiraz aynıñ 14 ve 15 künü boran aqqında haberdarlıq ilân etildi, yağmurlar ve kök güdürdileri beklenile.
Bu aqta işğalci Qırım FVN bildirdi.
"Qırım gidrometeorologiya ve etraf müit nezareti idaresiniñ malümatlarına köre, kiraz aynıñ 14 ve 15 künü içinde Qırımda, cenübiy, merkeziy ve şarqiy vilâyetlerde yağmurlar beklenile - pek küçlü, kök güdürdileri, burçaqlar, yel şiddeti saniyede 15-20 m", – denile beyanatta.
Hatırlatamız ki, işğal etilgen Qırımda kiraz aynıñ 13-15 künü içün yüksek yanğın havfı sebebinden furtuna aqqında haberdarlıq ilân etildi.
Bundan da ğayrı, Qırımda mayısnıñ 1-den başlap yanğınlarnıñ ögüne keçüvniñ mahsus rejimi çalışmaqta. İşğalciler, hususan, ormanlarğa kirişini sıñırladılar.
Milliy tirenüv merkeziniñ mütehassıslarınıñ aytqanlarına köre, yasaqnıñ asıl sebebi ormanlarda yerleşken arbiy obyektlerni coymaq qorqusıdır.
Telegram, WhatsApp, Facebook ve YouTube-ta Suspilne Qırım haberlerine abune oluñız
