Bozarğan aynıñ 9-nda işğal etilgen Qırımda 1382 "Rusiye ordusını itibardan tüşürüv" davası qayd etildi. Davalar Rusiye kontrolindeki mahkemelerge ya da yarımadanıñ diger işğalli organlarına yollanıldı.
Prezidentniñ Qırımdaki temsilciligi bunı bildirdi.
"1218 davasında para cezaları ya da davalarnı birleştirüv qararları çıqarıldı. 61 davanıñ baqılması devam ete. Qararlarnıñ 49%-i (597) qadınlarğa, 51%-i (620) erkeklerge qarşı açıldı", — dep aytıla haberde.
Hatırlatamız ki, mayısnıñ 22-nde prezidentniñ temsilciligi "Rusiye ordusını itibardan tüşürüv" maddesine köre eñ az 1350 dava aqqında haber etti.
Daa evel Avropa insan aqları mahkemesi Rusiyeni söz serbestliginiñ sistematik basqısı ve Ukrayinağa qarşı cenkni tenqit etkeni içün insanlarnıñ taqip etilmesinde qabaatlı tanıdı. Avropa insan aqları mahkemesi ayrı qayd etti ki, Qırımdaki işğalli mahkemelerniñ bütün "qararları" qanunsızdır.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
