Ukrayina prezidentiniñ Qırım Muhtar Cumhuriyetindeki temsilciligi qayd etti ki, işağlli Qırım mahkemeleri ve diger "memuriyet" organlarında "rusiye ordusınıñ itibarını tüşürüv" maddesine binaen 1 350 dava açıldı.
Mayısnıñ 22-nde Temsilcilik Facebook saifesinde bunı bildirdi.
1 350 davadan 1 209-nda işğalciler memuriy cezalarnı, hususan RF Memuriy uquq bozuvları qanunnamesiniñ 20.3.3-nci maddesine ("RF Silâlı quvetleriniñ itibardan tüşürüvi") binaen para cezaları ya da diger davalarğa qoşularaq umumiy qararlarnı qabul ettiler.
38 dava baqılmaqta. 591 qarar (49%) qadınlarğa, 617 (51%) erkeklerge ait.
Hatırlatamız ki, daa evel prezidentniñ QMCdeki temsilciligi mayısnıñ 5-ne qadar Qırımda 223 qanunsız azatlıqtan marum etüv adisesi qayd etilgenini yazdı, olardan 133-ü qırımtatar halqınıñ vekillerine ait.
Qırım uquq qorçalayıcı gruppasınıñ malümatına köre, 2025 senesiniñ birinci kvartalı devamında işğal etilgen Qırımda "Rusiye ordusını itibardan tüşürüv" maddesi boyunca eñ az 159 memuriy dava qayd etildi. Olardan 159-na para cezası ya da apis cezası berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
