Cuma künü, bozarğan aynıñ 6-nda, Kıyivdeki Nıvki camisiniñ azbarında qırımtatarlar Qurban bayramını qayd etmek içün toplaştılar. Qurban bayramı acılıqnıñ yekünlenüvini belgiley. Tedbirniñ teşkilâtçıları, hususan, Qırımtatar Milliy Meclisi ve Qırım musulmanları Diniy idaresi oldı.
Suspilne Qırım mühbiri bunı bildirdi.
Bayram künü saat 08:00-de cemaat namazınen başlandı. Bundan soñ musafirlerni bayram ziyafetleri bekley edi — olarğa ananeviy qırımtatar yemeklerini azırladılar. Şu cümleden, pahlava, qurabiye ve pilâv.
Tedbirde de küreş köstereler. Yanında ise milliy tatılar, tikilgen havlular, çölmekler ve yaraştırıcı eşyalar satıla bilgen yarmalıqlar bar. İşlerini satqanlar arasında qırımtatar çölmek.i Rustem Skıbin de bar.
Aynı vaqıtta balalar içün animatorlar çalışalar, olarğa bahşışlar berile, birazdan olarnı teatr numayışı bekley.
"Menim teessuratlarım pek müsbet. Mında kerçekten de Qırım keyfi bar. Qırım mevzusında çoq şey bar, yarmalıq. Bundan evel Qırımda aynı şekilde qayd etile edi... Pek-pek yahşı. Teşkilâtçılarğa bu duyğularnı duymağa imkân bergenleri içün pek minnetdarım", — dep teessuratlarınen qırımtatar İslam Hüseynov paylaştı.
Sabıq siyasiy mabüs, Ukrayinanıñ Türkiyedeki fevqulâde ve vekâletli elçisi Nariman Celâlnıñ Suspilne Qırımğa bildirgenine köre, Qurban bayramı er vaqıt büyük şekilde qayd etile edi.
Cenk vaziyeti sebebinden bir çoq bayram, insanlarnı bir yerge toplamaq ve telükege oğratmamaq içün, daa çoq kiçik yerlerde keçirile. Aynı zamanda, Rusiye bir çoq ukrayin şeerini gece ateşke tutqan soñ, teşkilâtçılar ukrayin musulmanlarına "bu kibi künlerde sıq-sıq yetmegen bayramlar"nı bağışlamağa qarar aldılar, dep Celâl qayd etti.
"Cenkleşmek, qorçalamaq, ğayrıdan qurmaqtan ğayrı, bizge bir-birimizge quvanmaq, bir-birimizge areket etmege küç bermek kerekmiz, şunıñ içün bu sene biraz keñişlemege qarar aldıq. Ve kerçekten de mında, Qırım müftiliginiñ yerinde — yarmalıqlar, aş ve küreş. Amma biz, bu kibi künlerde eksik olğan bayramlıqnı köstermege tırıştıq", — dep qayd etti o.
Bundan evel Suspilne Qırım öz süjetinde Qurban Bayramınıñ timsali ve qırımtatarlar bayramğa nasıl azırlanğanı aqqında tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
