Rusiye işğalcileri tarafından 15 yıl apis cezasına mahküm etilgen 58 yaşındaki Oksana Seneçuknıñ davası boyunca apellâtsiya oturışı olıp keçti. Onıñ ükümi deñiştirilmedi.
Siyasiy mabüsniñ qızı Mariya Kostük Suspilne Qırımğa bunı bildirdi.
Onıñ aytqanına köre, 58 yaşındaki qadınnıñ ükümi deñiştirilmedi. Qorantasına yazğan mektübinde qadın adalet olmağanını qayd etti.
"Anam mektüp yazdı. Anda yazdı ki, üküm tam olaraq deñiştirilmedi. Yazıq ki, olar endi azır olğan bir qararnen keldiler. Adalet yoq edi", — dep Mariya Kostük tarif etti.
Qayd etilmeli ki, işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) mahkemesi 2024 senesi ilk qış ayınıñ 26-da "devlet hainligi" içün 15 yıl apis cezasına mahküm etti.
Rusiye Baş prokurorlığınıñ malümatına köre, qadın "Qara deñiz flotunıñ gemileriniñ fotoresimlerini çeke ve bu fotolarnı Ukrayina istihbaratına bere edi". Ukrayina uquq qorçalayıcı teşkilâtları umumiy beyanatnı derc etip, Oksana Senecuknıñ apiske alınmasınıñ kerçek sebebi onıñ siyasiy baqışları ve Rusiye Federatsiyasınıñ Ukrayinağa qarşı tecavuzını bakbih etmesidir, dep bildirdi.
Hatırlatamız ki, siyasiy mabüsniñ advokatı apellâtsiya muracaatında qabaatlav maddesiniñ sertligini yımşatmağa rica etti. İşğalli akimiyet qadınnı "devlet hainligi"nde qabaatladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
