Keçken seneniñ soñunda Rusiye işğalli makemesi tarafından 15 yıl apis cezasına maküm etilgen 58 yaşındaki Oksana Senecuk alâ daa Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) taqiqat izolâtorında buluna. Siyasiy mabüsniñ adliyecisi apellâtsiya şikâyet arizasını berdi. İşğalciler qadınnı "devlet hainligi"nde qabaatladılar.
Oksana Senecuknıñ qızı Mariya Kostük bunı Suspilne Qırımğa añlattı.
Onıñ aytqanına köre, qadınnıñ advokatı apellâtsiya şikâyetini berdi, diger şikâyetni ise Senecuk berdi. Dava Soçideki işğalli makemede baqılmadı. Mariya dedi ki, bu bir-eki ayğa sozula bile.
"Kiçik aynıñ 17 ve 24 künleri anamnıñ makeme oturışı olacaq. Malümatnen tanışuv. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda — terciman), Lenin makemesinde. Advokat, maddeni daa yımşaq birine yazıp almağa rica ete. 275-nci maddeDevlet hainligiden 275.1-nciYabancı devlet, halqara ya da çetel teşkilâtınen konfidentsiya esasında işbirlik maddege apis müddeti (3-8 yıl) biraz qısqaca. Aynı zamanda anası ise makeme qararını istey. Sevastopol şeer makemesiniñ bunı köz ögüne almadı. Uquqları bozuldı", — dep Mariya Kostük tarif etti.
Qızı şunı da ayttı ki, anası kibi aynı madde boyunca apiske alınğan qadınlar, aynen qadınlarnı deñiştirmege ve qaytarmağa diqqat ayırmağa rica eteler. Çünki olarnı aman-aman deñiştirmeyler.
Hatırlatamız ki, 2024 senesi ilk qış ayınıñ 26-da Sevastopolnıñ (Aqyarnıñ) işğalli makemesi İlmiy-araştırma şeer qurulıcılığı ve mimarcılıq institutınıñ bş mütehassısı olğan Oksana Senecuknı "devlet hainligi" içün 15 yıl apis cezasına maküm etti.
Rusiye Baş prokurorlığınıñ malümatına köre, qadın "Qara deñiz flotunıñ gemileriniñ fotoresimlerimi çeke ve bu resimlerni ukrain istihbaratına bere edi". Ukraina uquq qorçalayıcı teşkilâtları umumiy beyanatnı derc etip, Oksana Senecuknıñ apiske alınmasınıñ kerçek sebebi onıñ siyasiy baqışları ve Rusiye Federatsiyasınıñ Ukrainağa qarşı tecavuzını maküm etmesidir, dep bildirdiler.
Telegram, WhatsApp ve Facebookta Suspilne Qırım haberlerine abune oluñız
