İşğal etilgen Aluşta ve Partenitte Rusiye kontrolindeki memuriyetlerniñ vekilleri yerli sakinlerden qanunsız şekilde topraqlarını alalar. 2014 senesinden evel ya da işğalden soñ ilk yıllarda resmiyleştirilgen topraqlar aqqında söz yürsetile.
Milliy muqavemet merkezi bunı bildirdi.
"Duşmannen işdeşlik yapqanlar deyler ki, "mülkiyet aqqı qabiliyetsiz memurlar tarafından berilgen edi". Şimdi ise olarnı lâğu eteler — çünki "yüksek"ten biri yerge köz taşlap başladı. Deñiz yanında ya da güzel bir yerde olsa — "qanun" bir gecede deñişir. Bundan soñ mahkeme, mülkniñ alınması ve "devlet menfaatları"na areket ete. Bu Rusiye bayrağı altında klassik bir reyderliktir", — dep aytıla haberde.
Hatırlatamız ki, "QırımSOS" malümatına köre, soñki eki yıl içinde Qırımnıñ işğalli memuriyeti 3,5 biñge yaqın mülkiyet obyektini "milliyleştirdi", olardan 1,2 biñi — 2024 senesi. Qanunsız "milliyleştirüv"ni Rusiye işğalcileri "riayetkârsız sakinler"ge basqı usullarından biri olaraq qullana, dep "QırımSOS" advokat mütehassısı Artem Oliynık bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
