Mayıs ayınıñ 8-nde aqşam maalinde Artem Şevçenkonıñ Ukrayinanıñ Qara deñizdeki ğalebesi sırları aqqında "Ukrayinanıñ cenk istihbaratı" seriyası çerçivesinde yaratılğan "Deñiz küreşi. Dronlar devri" vesiqalı filminiñ telepremyerası olıp keçti. Anda ilk kere Magura deñiz dronları Rusiye gemilerini, vertolötlarını ve samolötlarını yoq etmekniñ eksklüziv kadrları yer aldı.
Bu filmni ICTV2 telekanalında kösterildi. Filmniñ treyleri Ukrayina Mudafaa nazirliginiñ Baş istihbarat idaresi tarafından derc etildi.
Bİİniñ malümatına köre, filmde şu kösterildi:
- Ukrayinanıñ deñizde RF SQniñ flotu üzerinde ğalebe qazanmasını teminlegen missiyalarda iştirakçilerniñ şaatlıqları;
- suv astında ve suv üstünde alınğan «zarif ve yıqıcı» Magura deñiz platformasınıñ kadrları;
- bu deñiz dronınıñ V5 ve V7 modelleri arasındaki farqlılıqalar;
- Ukrayina Mudafaa Nazirliginiñ Bİİniñ uçucısız flotunıñ inkişaf perspektivaları ve onıñ emiyeti.
Şu film Ukrayina Medeniy ve strategik kommunikatsiya nazirliginiñ desteginen yaratıldı.
Hatırlatamız ki, mayısnıñ 2 künü Ukrayina dünyada birinci kere Novorossiysk limanı yanında Magura V7 deñiz dronlarından atılğan raketalar yardımınen Qara deñizde Rusiyeniñ eki Su-27/Su-30 uçağını yoq etti.
Defence Express nezaretçisi, istifağa çıqqan I ranglı kapitan Volodımır Zablotskıy Suspilne Qırımğa operatsiyanıñ tafsilâtları, tehnologiyası, Qırımnı azat etüvde nasıl yardım etecegi aqqında tarif etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
