Vaqtınca işğal etilgen Qırımda Rusiye quvetçileri jurnalist ve uquq qorçalayıcı Lütfiye Zudiyevağa "qanun bozuvları içün şarait yaratacaq areketlerniñ qabul etilmemesi" aqqında resmiy tenbi berdiler. O, bunı Qırımtatar bayrağı kününiñ yaqınlaşuvınen bağlay, onı adet üzre ilk yaz ayınıñ 26-nda qayd eteler.
"Qırım birdemligi" bu aqqında haber etti.
İlk yaz ayınıñ 17-nde Canköydeki evi yanında Rusiye uquq qorçalayıcıları tarafından resmiy tenbi Lütfiye Zudiyevağa berildi. Vesiqanı Rusiye kontrolindeki polis bölüginiñ bölük hadimi oqudı. Vesiqada qayd etildi ki, uquq qorçalayıcı organlar "Zudiyevanıñ memuriy bozuv ya da cinayet işlemek içün şarait yarata bilecek areketleri aqqında malümatqa saip". Amma vesiqada areketler ya da bozuvlar aqqında aytılmay.
Lütfiye Zudiyevanıñ fikirince, bu, er yıl ilk yaz ayınıñ 26-nda qayd etilgen Qırımtatar bayrağı kününiñ yaqınlaşuvınen bağlı. Onıñ aytqanına köre, hatıra künleri, cemaat tedbirleri ve birdemlik aktsiyaları arfesinde işğalli akimiyet faalci, jurnalist ve cemaat erbaplarına qarşı bu kibi "profilaktik tedbirler"ni muntazam sürette qullana.
Uquq qorçalayıcı vesiqanıñ mündericesinen razı olmayıp, yazılı izaat berdi. Onıñ qayd etkenine köre, bu kibi tenbinamelerde sıq-sıq muayyen qabaatlavlar yoq, amma insanlar taqip etilmesinden qorqıp, qanuniy faaliyetten vazgeçken "suvuqlav tesiri" yaratmaq içün qullanıla bile.
Hatırlatamız ki, Zudiyevağa qarşı bu kibi tedbirler endi bir qaç kere qullanıldı. Bundan evel oña jurnalist yayınları sebebinden bunıñ kibi tenbiname berildi ve memuriy mesüliyetke çekildi. Uquq qorçalayıcılar oña yapılğan basqını zenaat faaliyetinen ve işğal etilgen Qırımda qırımtatarlarnıñ aqlarınen bağlı mevzularnı aydınlatmasınen bağlaylar.
Lütfiye Zudiyeva aqqında ne bilemiz
Lütfiye Zudiyeva, "Qırıjm birdemligi"niñ faalcisi ve "Gratı"nıñ jurnalistidir. Qırımdaki makeme ceryanları ve insan aqları bozmalarını aydınlata. 2014 senesinden evel bala merkezini reberlik ete edi, işğalden soñ ise uquq qorçalav saasında çalışmağa başladı.
2019 senesi içtimaiy ağlarda post sebebinden Zudiyeva tutuldı. O zaman "aşırıcılıq timsaller"nen paylaşqan faalci, 2 biñ ruble cezasını ödedi.
Oraq ayınıñ 27-sinde işğal etilgen Qırım Yuqarı makemesinde video bağ vastasınen Soçi şeerindeki umumiy yurisdiktsiyalı Üçünci Apellâtsiya makemesinen berbaber "Nariman Celâl ve Ahtemov qardaşlarınıñ davası"na bianen üküm çıqarıdı. "Makeme" binası ögünde Lütfiye Zudiyeva da tutuldı. Birazdan jurnalistke 12 biñ rublelik para cezasını berdi. 2024 senesi kiçik aynıñ 12-inde RF Kasatsiya makemesi, para cezasına şikâtenamesini baqmağa aldı.
Kiçik aynıñ 22-siniñ sabasında işğal uquq qorçalayıcıları organlarınıñ işçileri, Lütfiye Zudiyevanıñ evini tinttiler. Bundan soñ faalcini böyle degen Aşırıcılıqqa qarşı merkezine kettiler. 3 saat anda buluna edi. "Kütleviy malümat azatlığı suisitmalı" sebebinden oña qarşı memuriy protokollar tizildi.
Saban ayında Aqmescitteki işğali Kiyev rayon makemesi uquq qorçalayıcığa Rusiye Federatsiyası Memuriy cinayetler qanunnamesiniñ 13.15 maddesiniñ 2.1 qısmına ("Kütleviy haber serbestligini qullanuvı") binaen 2 500 rublelik (1 059 grivna) para cezasını berdi.
Mayıs ayında İçki işler nazirliginiñ "Canköy" işğalli bölüginiñ vekili Zudiyevağa mitinglerniñ keçirilmesi yasaq olğanı aqqında tenbiname berdi.
Bozarğan ayda Kıyiv rayon makemesi, qırımtatar jurnalisti Lütfiye Zudiyevağa dair barışıq makemecisiniñ qararına apellâtsiya şikâyetnamesini baqtı ve "kütleviy haber azatlığınıñ suistimalı" sebebinden jurnalistni memuriy mesüliyetke çekmege qararını deñiştirmedi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız