Rusiyeniñ umumiy yurisdiksiyalı dörtünci kassatsiya makemesi, Qırım Yuqarı makemesiniñ uquq qorçalayıcı Lütfiye Zudiyevağa bergeni para cezasını lâğu etmege red etüv şikâyetnamesini aldı.
Uquq qorçalayıcı Suspilne Qırımğ bu aqqında haber berdi.
Hatırlatamız ki, 2023 senesi oraq ayınıñ 27-sinde Aqmescitteki Qırım Yuqarı makemesiniñ binası ögünde Lütfiye Zudiyevanı tuttılar. Anda siyasiy mabüsker Nariman Celâl, Asan ve Aziz Ahtemovnıñ davasına apellâtsiya şikâyetnamesi baqıla edi.
Kiçik aynıñ 12-sinde kassatsiy makemesi qara berdi. Makeme, 2023 senesi arman ayınıñ 10-undan işğal etilgen Qırım Yuqarı makemesiniñ şikâyetnamesini aldı. Qırım Yuqarı makemesi, oraq ayınıñ 27-sinden işğal etilgen Aqmescitteki Demiryol rayon makemesiniñ qararını deñiştirmeyip qaldırdı. Bu qararnen makeme Zudiyevağa 12 biñ rublelik (≈ 5 biñ grivna) para cezasını berdi.
Oraq ayınıñ 27-sinde Qırımda "makeme" binası ögündeki tutuv aqqında ne bilemiz
Oraq ayınıñ 27-sinde işğal etilgen Qırım Yuqarı makemesinde video bağ vastasınen Soçi şeerindeki umumiy yurisdiktsiyalı Üçünci Apellâtsiya makemesinen berbaber "Nariman Celâl ve Ahtemov qardaşlarınıñ davası"na bianen üküm çıqarıdı. "Makeme" binası ögünde 14 diñleyici de tutuldı.
Birazdan olardan 9-ınıñ parmaq işaretleri, DNKı alıp, fotoresimlerini çıqarıp, ihtarname yazdılar ve yiberdiler.
Aynı zamanda işğalciler Zarema Ahtemova, Ruslan Celâl, Lütfiye Zudiyeva, Rustem Useinov ve Qulamet İbrayimovğa qarşı memuriy protokol tizdiler ve işğal etilgen Demiryol rayon makemesine alıp kettiler.
Telegram ve Facebookta Suspilne Qırım haberlerine abune oluñız
