Canköyde "Qırım birdemligi"niñ jurnalisti ve faalci Lütfiye Zudiyevanıñ evi tintildi. İşğal uquq qorçalayıcıları qırımtatar qadınını alıp, böyle degen Aşırıcılıqqa qarşı merkezine kettiler.
Facebook saifesinde "Qırım birdemligi" bu aqqında haber berdi.
Bildirildi ki, saba saat 05:50ta nomerasız bir maşna Lütfiyeniñ evine keldi. Ondan maska taqqqan dört işğal quvetçisi enip, evine ketti.
Ana-babanıñ oğluna evge kirmege izin bermek talabına işçiler iç bir şey aytmadılar, qart qadınnı tepip, faalciniñ qaynanası azbarğa kirmege istegen vaqıt olar qapını qapattılar.
"Bugün saba saat 6da men ayaq sesinden uyandım. Kamerada baqıp, olarnıñ uquq qorçalayıcı ogranlarnıñ işçileri olğanını añladım. Qoradan atlap, azbarğa kirdiler. Qapını küçnen qaqtılar. Men, kiyinmemizni beklemege rica ettim. Olar Kıyiv rayon makemesiniñ teşkerüv aqqında qararını kösterdiler. Amma kerçekten de evimizni tinttiler, eşyalarımızğa baqmaq içün çıqarmamıznı istediler", — dep faalciniñ aqayı Seyran Çıkiyev añlattı.
Evini tintken işçiler, Lütfiye Zudiyevanıñ evinden video nezareti sistemasını ve cep telefonını alıp çıqardılar.
Evini tintken soñ Lütfiye Zudiyevanı evden alıp kettiler. İşğal etilgen uquq qorçalayıcı organlarnıñ işçileriniñ ve uquq qorçalayıcınıñ sözlerine köre onı böyle degen Aşırıcılıqqa qarşılıq merkezine alıp ketecekler.
Lütfiye Zudiyevanıñ advokatı Kurbedinov qayd etti ki, uquq qorçalayıcılar onı Zudiyevanıñ evine girmeğe izin bermeyler.
"Saba saat 6da evni tintmege başladılar, men advokat olaraq anda edim. Şimdi ise saat doquz, meni alâ daa bu tedbirge qatılmağa izin bermeyler. Ğaliba, Aşırıcılıqqa qarşılıq merkeziniñ işçileri evni tinteler. Advokatqa kirmege izin bermeyler", — dep añlattı o.
UPD: Advokat Emil Kurbedinov haber berdi ki, o ve advokat Edem Semedlâev Aqmescitteki "AQM"e keteler.
UPD_1: Suspilne Qırımğa tefsir etkende Emil Kurbedinov añlattı ki, advokatlarnıñ alâ daa Zudiyevağa irişimi yoq. Bundan ğayrıü ilk malümatqa köre, "kütleviy malümat azatlığı suisitmalı" sebebiden uquq qorçalayıcı tutuldı.
UPD_2: Faalci Lütfiye Zudiyeva Aşırıcılıqqa qarşılıq merkezinden yiberildi. 3 saat anda buluna edi.
Jurnalist Anton Naumlükniñ malümatına köre, Lütfiye Zudiyevağa qarşı eki memuriy protokol tizildi: Hizb ut-Tahrirniñ Rusiyede terrorcı bir teşkilât olaraq tanınğanını ve "Radio Svoboda"nıñ inoagent olğanını bildirmegeni sebebinden "kütleviy malümat azatlığı suisitmalı" maddesinde.
"Men tüşünem ki, onı susturmaq içün er şey yapıldı. Misal içün, keçkende Newsweekte onıñ "I Live in Crimea. I Go to Bed Fully Dressed Expecting Armed Men at Dawn" adlı eseri yayınlandı. O, bu seneler devamında Qırımda ne olğanını añlata. Ayrcı yarımadanıñ işğaliniñ seneliginden evelki vaqialarnı añlat. Ekincisinden, tintüvler vaqtında alıp çıqarğanları bütün tehnikasına irişim almaq maqsadınen bunı yaptılar", — dep qayd etti o.
Lütfiye Zudiyeva aqqında ne bilemiz
- Lütfiye Zudiyeva, "Qırıjm birdemligi"niñ faalcisi ve "Gratı"nıñ jurnalistidir. Qırımdaki makeme ceryanları ve insan aqları bozmalarını aydınlata. 2014 senesinden evel bala merkezini reberlik ete edi, işğalden soñ ise uquq qorçalav saasında çalışmağa başladı.
- 2019 senesi içtimaiy ağlarda post sebebinden Zudiyeva tutuldı. O zaman "aşırıcılıq timsaller"nen paylaşqan faalci, 2 biñ ruble cezasını ödedi.
- Oraq ayınıñ 27-sinde işğal etilgen Qırım Yuqarı makemesinde video bağ vastasınen Soçi şeerindeki umumiy yurisdiktsiyalı Üçünci Apellâtsiya makemesinen berbaber "Nariman Celâl ve Ahtemov qardaşlarınıñ davası"na bianen üküm çıqarıdı. "Makeme" binası ögünde Lütfiye Zudiyeva da tutuldı. Birazdan jurnalistke 12 biñ rublelik para cezasını berdi. 2024 senesi kiçik aynıñ 12-inde RF Kasatsiya makemesi, para cezasına şikâtenamesini baqmağa aldı.
Telegram ve Facebookta Suspilne Qırım haberlerine abune oluñız
