"Aşırıcılıqqa qarşı merkezi"niñ emrine köre mayıs ayınıñ 6-sında soramağa istegen "polis"niñ kiçik leytenantı, işğal etilgen "Canköy" ceza qıdıruvı bölüginıñ "opervekâletli" qırımtatar uquq qorçalayıcısı, faalcisi Lütfiye Zudiyevağa tenbiname berdi.
Mayıs ayınıñ 7-sinde Facebook saifesinde Zudiyeva bu aqqında haber berdi.
"Bu "vesiqa"nıñ bilgileri yoq — belli olmağan mümkün olmağan tedbirlerde belli olmağan mümkün olacaq qanunsız areketler aqqında tenbiname berilmez, ve elbette, onıñ uquqiy küçü olmaz", — dep içtimaiy ağda uquq qorçalayıcı qayd etti.
Bundan ğayrı, o haber berdi ki, yerli işçiler degil, "Qırım İİN"niñ Aqmescitli işçdeşleri oña bu tenbinameni bermege teşebbüs ettiler. Faalci qayd etti ki, tenbilemek maqsadınen degil tamam olar böyle tenbinamelerni qullanalar.
"Tamam böylece tsenzura, fikir bildirüv yasağı, mustaqil advokatlıq, uquq qorçalayıcı teşkilâlar ve KHVa ücüm peyda ola", — dep qadın qoştı.
Keçenlerde Qırımtatar Maaliy Merkeziniñ (QMM) başı Eskender Bariiev Suspilne Qırımğa bildirdi ki, mayıs ayınıñ 18-iniñ (Qırımtatar halqınıñ genotsidiniñ fedaları hatıra künü) yaqınlaşmasınen faalcilerge tenbinamelerni bermesini bağlaylar. Bu sene qırımtatarlarnıñ Qırımdan sürgünliginiñ 80. seneligi olacaq.
"Tolu miqyaslı tecavuzdan evel de olar (ruslar — muar.) hatıra künlerinden evel tenbinamelerni bergen ediler — kiçik aynıñ 26-sı, mayıs ayınıñ 18-i, bozarğan aynıñ 26-sı Qırımtatar bayrağı künü ve ilk qış ayınıñ 10-u İnsan aqları künü", — dep añlattı
O qayd etti ki, faalcilerniñ mitinglerni keçirememeleri içün işğalciler elinden kelgenlerini yapalar.
"Nasıldır tedbir keçirilse ve insan bu tedbirge ait olsa, er bir terik olsa ya da yerli işğal memuriyeti bu tedbirni keçirmege ruhset bermese, bu insanlarğa qarşı memuriy, belki de cinaiy dava açılır. Bunıñ içün olarnı qorqutalar", — dep QMMniñ. başı tüşüne.
O ayttı ki, 2022 senesinden başlap iğalciler tek tenbinamelerni bermeyler, çoqusı allarda memuriy davalarnı açıp, tevqif ya da para cezası şeklinde üküm çıqaralar.
Lütfiye Zudiyeva aqqında ne bilemiz
Lütfiye Zudiyeva, "Qırıjm birdemligi"niñ faalcisi ve "Gratı"nıñ jurnalistidir. Qırımdaki makeme ceryanları ve insan aqları bozmalarını aydınlata. 2014 senesinden evel bala merkezini reberlik ete edi, işğalden soñ ise uquq qorçalav saasında çalışmağa başladı.
2019 senesi içtimaiy ağlarda post sebebinden Zudiyeva tutuldı. O zaman "aşırıcılıq timsaller"nen paylaşqan faalci, 2 biñ ruble cezasını ödedi.
Oraq ayınıñ 27-sinde işğal etilgen Qırım Yuqarı makemesinde video bağ vastasınen Soçi şeerindeki umumiy yurisdiktsiyalı Üçünci Apellâtsiya makemesinen berbaber "Nariman Celâl ve Ahtemov qardaşlarınıñ davası"na bianen üküm çıqarıdı. "Makeme" binası ögünde Lütfiye Zudiyeva da tutuldı. Birazdan jurnalistke 12 biñ rublelik para cezasını berdi. 2024 senesi kiçik aynıñ 12-inde RF Kasatsiya makemesi, para cezasına şikâtenamesini baqmağa aldı.
Kiçik aynıñ 22-siniñ sabasında işğal uquq qorçalayıcıları organlarınıñ işçileri, Lütfiye Zudiyevanıñ evini tinttiler. Bundan soñ faalcini böyle degen Aşırıcılıqqa qarşı merkezine kettiler. 3 saat anda buluna edi. "Kütleviy malümat azatlığı suisitmalı" sebebinden oña qarşı memuriy protokollar tizildi.
Telegram ve Facebookta Suspilne Qırım haberlerine abune oluñız
