İşğal etilgen Qırım Yuqarı makemesi cumhuriyet uquq qorçalayıcısı, jurnalist Lütfiye Zudiyevağa berilgen para cezasını deñiştirmemege qarar berdi. "Kütleviy malümat azatlığı suistimalı" RF MBQniñ 13.15. maddesiniñ 2.1. qısmına binaen saban ayınıñ 20-sinde işğal etilgen Aqmescitteki Kıyiv rayon makemesi oña para cezasını berdi.
Çiçek ayınıñ 9-ında Zudiyeva "Qırım birdemligi"ne bu aqqında haber berdi.
"Apellâtsiya makemesiniñ makemecisi qarar berdi ki, polisniñ sebepleri ve olarnıñ yazğanları vesiqalaar qanuniy, sebepli edi ve olarnen bağlı sual yoq. Bunıñ içün para cezası aqqında qarar deñiştirmedi. Biz mıtlaqa kassatsiyağa azırlanacaqmız ve bunı iddialaşacaqmız", — dep ayttı o.
Qorçalayıcı taraf, kassatsiya ve halqara seviyede qararnı iddialaşmağa planlaştıra.
Zudiyeva qoştı ki, işğalcilerniñ şu arektleri jurnalistler ve advokatlarnıñ işğal etilgen Qırımda "uquq qorçalayıcı organlar"nıñ areketleri aqqında alternativ malümat menbası olğanları sebebinden olarnı taqip etkenlerini köstereler.
"Qırım birdemligi"ne tefsir etkende advokat Emil Kurbedinov da şu fikirni destek etti.
"AQMAşırıcılıqqa qarşı merkezniñ işçileri onıñ evini tinttiler, tehnikasını alıp çıqarğan soñ bir qaç protokol tizdiler. Olardan biri, Zudiyevanıñ Facebook saifesinde malümat yayınlağanda ve post yazğanda "Radio svoboda"nnıñ ecnebiy agent olğanını bildirmegeni sebebinden tizildi. Uquqiy tafsilâtlarnı añlatmayım. Aytayım ki, bu tamamınen sahte dava. O, içtimaiy jurnalist ve uquq qorçalayıcı olğan Zudiyevanıñ taqibine yönelgendir. Qırımdan malümat ve aqiqiy haberler impulslarını toqtatmaq ve mahsus hızmetlerniñ işçileri içün "doğru" olğan malümat bermek maqsadınen bunı yapalar", — dep qayd etti.
Lütfiye Zudiyeva aqqında ne bilemiz
Lütfiye Zudiyeva, "Qırıjm birdemligi"niñ faalcisi ve "Gratı"nıñ jurnalistidir. Qırımdaki makeme ceryanları ve insan aqları bozmalarını aydınlata. 2014 senesinden evel bala merkezini reberlik ete edi, işğalden soñ ise uquq qorçalav saasında çalışmağa başladı.
2019 senesi içtimaiy ağlarda post sebebinden Zudiyeva tutuldı. O zaman "aşırıcılıq timsaller"nen paylaşqan faalci, 2 biñ ruble cezasını ödedi.
Oraq ayınıñ 27-sinde işğal etilgen Qırım Yuqarı makemesinde video bağ vastasınen Soçi şeerindeki umumiy yurisdiktsiyalı Üçünci Apellâtsiya makemesinen berbaber "Nariman Celâl ve Ahtemov qardaşlarınıñ davası"na bianen üküm çıqarıdı. "Makeme" binası ögünde Lütfiye Zudiyeva da tutuldı. Birazdan jurnalistke 12 biñ rublelik para cezasını berdi. 2024 senesi kiçik aynıñ 12-inde RF Kasatsiya makemesi, para cezasına şikâtenamesini baqmağa aldı.
Kiçik aynıñ 22-siniñ sabasında işğal uquq qorçalayıcıları organlarınıñ işçileri, Lütfiye Zudiyevanıñ evini tinttiler. Bundan soñ faalcini böyle degen Aşırıcılıqqa qarşı merkezine kettiler. 3 saat anda buluna edi. "Kütleviy malümat azatlığı suisitmalı" sebebinden oña qarşı memuriy protokollar tizildi.
Telegram ve Facebookta Suspilne Qırım haberlerine abune oluñız
