Ukraina MNniñ Bİİ, qara qış ayınıñ 4-ünde işğal etilgen Qırımdaki maqsatlarnı bozğanını tasdıqladı. Aynı zamanda ukrain askerleriniñ yarımadadaki işi devam ete.
Ukraina Mudafaa nazirliginiñ Baş istihbarat idaresiniñ matbuat hızmetiniñ vekili Andriy Yusov Suspilne Qırımğa tefsir etkende bu aqqında haber berdi.
"Şu anda istihbarat devam ete ve bilgiler toplana. İmkân olacaq ve uyğun olacaq vaqtı onı bildirecek. Hulâsa çıqarmaq mümkün ki, maqsatlarnıñ qısmı bozuldı ve ukrain mudafaacılarınıñ bu işi devam etecek", — dep qayd etti o.
Qara qış ayınıñ 4-ünde Qırımdaki patlamalar aqqında ne bilemiz
Qara qış ayınıñ 4-ünde Kezlev ve Aqyar şeerlerinde ava telükesi ilân etilgen soñ şideetli patlamalar duyuldı. O zaman Qırım köprü de qapatıldı. Ukrain raketalarından biri Aqyarnıñ Yuqarı yılğasındali komandan alâqa noqtaslına urdı.
Şeerniñ işğal gubernatorı Mıhaylo Razvojayev bildirdi ki, evge raketanıñ parçaları tüşkeni sebebinden bir yaralanğan bar. O qoştı ki, raketalarnıñ bir qaç parçası farqlı soqaqlarda tüşti.
USQniñ StratKomu, Aqyardaki komandan noqtasınıñ bozulğanını tasdıqladı. Ukraina Ava quvetleriniñ komandannı Mıkola Oleşçuk ukrain uçucılarına ve qara qış ayınıñ 4-ünde Qırımdaki operatsiyanı planlaştırğan er keske "qurursız arbiy işi" içün teşekkür bildirdi.
Aynı zamanda "Ateş" arbiy-partizan areketi haber berdi ki, SOY Kezlevdeki işğalcilerniñ arbiy qısımına da urdılar. O yerge RLS sistemalarını ketirdiler, dep partizanlar ögrenip bildirdiler.
Bundan ğayrı, qara qış ayınıñ 4-üniñ gecesi Keriç boğazı rayonında patlamalar, Saqqa ateşler aqqında haber berdiler. Aqyar yanında ücüm yoq etildi ve yüz insan tahliye etildi.
Aynı zamanda qara qış ayınıñ 4-ünde RF Mudafaa nazirligi, Qırımda on raketa ve Qara deñiz üstünde bir uçucısız alet tüşürgeni aqqında esabat berdi. Bundan başqa, qara qış ayınıñ 5-iniñ gecesi rus mudafaa müessisesi, yarımada üstünde daa 36 uçucısız alet tüşürgenini bildirdi.
Qara qış ayınıñ 5-inde "Ateş" arbiy-partizan areketi, qara qış ayınıñ 4-ünde işğal etilgen Qırımnıñ Kezlev şeerindeki arbiy qısımnıñ bozulmasınıñ neticelerini añlattı. Kremlnen alâqa kanalını qorçalağan ve bütün yarımadadaki Ava mudafaası sistemalarını idare etken idare noqtaslı mahv etildi. Bundan ğayrı, teren bombalardan sığınan bozuldı. Ücüm neticesinde bir qaç öldürilgen ve yaralanğan insan bar. Komandan da öldürildi.
Telegram ve Facebookta Suspilne Qırım haberlerine abune oluñız
