"Ateş" arbiy-partizan areketi, qara qış ayınıñ 4-ünde işğal etilgen Qırımnıñ Kezlev şeerindeki arbiy qısımnıñ bozulmasınıñ neticelerini añlattı. Partizanlarnıñ yardımınen Ukraina Mudafaa quvetleri onı bozdılar. Ukrain raketaları, rus akimiyetinen alâqa kanalını qorçalağan ve bütün yarımadadaki Ava mudafaası sistemalarını idare etken idare noqtasına urdılar.
Telegramda "Ateş" bu aqqında haber berdi.
UPD: Kezlevdeki idare noqtasınıñ radio-yer stantsiyası mahv etildi, dep partizanlar qayd ettiler.
"Kremlnen alâqa kanalını qorçalağan ve bütün yarımadadaki Ava mudafaası sistemalarını idare etken idare noqtaslı mahv etildi. Bundan ğayrı, teren bombalardan sığınan bozuldı. Ücüm neticesinde bir qaç 200. (öldürilgen) ve 300. (yaralanğan) insan bar edi. Ayta bilemiz ki, komandan İsmağilov, öz mevcudiyetinen ukrain toprağını asla aramlamaycaq", — dep bildirildi.
Bundan ğayrı, KEzlevde Ava mudafaası sisteması bozuldı.
"Kezlev yanındaki Zatişnoye mesken yerindeki bozulğan qısımda asla bulunmaycaq. Bizim bilgilerimizde köre, bozulmağan vastalarnı "Belbek" uçaq limanına ketireler", — dep areketniñ agentleri qayd ettiler.
Qara qış ayınıñ 4-ünde Qırımdaki patlamalar aqqında ne bilemiz
Qara qış ayınıñ 4-ünde Kezlev ve Aqyar şeerlerinde ava telükesi ilân etilgen soñ şideetli patlamalar duyuldı. O zaman Qırım köprü de qapatıldı. Ukrain raketalarından biri Aqyarnıñ Yuqarı yılğasındali komandan alâqa noqtaslına urdı.
Şeerniñ işğal gubernatorı Mıhaylo Razvojayev bildirdi ki, evge raketanıñ parçaları tüşkeni sebebinden bir yaralanğan bar. O qoştı ki, raketalarnıñ bir qaç parçası farqlı soqaqlarda tüşti.
USQniñ StratKomu, Aqyardaki komandan noqtasınıñ bozulğanını tasdıqladı. Ukraina Ava quvetleriniñ komandannı Mıkola Oleşçuk ukrain uçucılarına ve qara qış ayınıñ 4-ünde Qırımdaki operatsiyanı planlaştırğan er keske "qurursız arbiy işi" içün teşekkür bildirdi.
Aynı zamanda "Ateş" arbiy-partizan areketi haber berdi ki, SOY Kezlevdeki işğalcilerniñ arbiy qısımına da urdılar. O yerge RLS sistemalarını ketirdiler, dep partizanlar ögrenip bildirdiler.
Bundan ğayrı, qara qış ayınıñ 4-üniñ gecesi Keriç boğazı rayonında patlamalar, Saqqa ateşler aqqında haber berdiler. Aqyar yanında ücüm yoq etildi ve yüz insan tahliye etildi.
Aynı zamanda qara qış ayınıñ 4-ünde RF Mudafaa nazirligi, Qırımda on raketa ve Qara deñiz üstünde bir uçucısız alet tüşürgeni aqqında esabat berdi. Bundan başqa, qara qış ayınıñ 5-iniñ gecesi rus mudafaa müessisesi, yarımada üstünde daa 36 uçucısız alet tüşürgenini bildirdi.
Suspilne Qarşılıqnıñ canlı yayınında Ukrainanıñ cenübi mudafaa quvetleriniñ birleşken matbuat merkeziniñ reberi Nataliya Gumenük haber berdi ki, qara qış ayınıñ 4-ünde Qırımdaki rus işğalcileriniñ arbiy obyektlerine ukrain ücümi neticesinde tek bir komandan noqtası degil, mudafaa sisteması da şiddetli zarar kördi.
Bundan ğayrı, Gumenük qayd etti ki, keçenlerde rus askerleri "şahedler"niñ uçuruv meydançıqlarını deñiştirdiler. Keçenlerde Çauda burnundan olarnı uçura ediler, USQniñ bir qaç şiddetli ücümi kösterdi ki, Balaklava bölgesinden de olarnı uçurmağa başladılar. Tamam bunıñ içün Mudafaa quvetleri o tarafta çalıştılar.
Telegram ve Facebookta Suspilne Qırım haberlerine abune oluñız
