Qara qış ayınıñ 4-ünde Qırımdaki rus işğalcileriniñ arbiy obyektlerine ukrain ücümi neticesinde tek bir komandan noqtası degil, mudafaa sisteması da şiddetli zarar kördi. Ukraina Mudafaa quvetleri, "şahedler"niñ yarımadadaki yañı yerinde de çalıştılar.
Suspilne Qarşılıqnıñ canlı yayınında Ukrainanıñ cenübi mudafaa quvetleriniñ birleşken matbuat merkeziniñ reberi Nataliya Gumenük bunı bildirdi.
"Evelki kün Qırım yarımadasındaki tek bir komandan noqtası degil, mudafaa sistemasına da pek şiddetli zarar ketirildi", — dep qayd etti o.
Gumenükniñ sözlerine köre, bu, işğalcilerni öz mudafaa sistemasını yañıdan şekillendirmege mecbur etken birinci bozma olmay.
"Şimdi olar, mudafaa sistemasını başqa bir yerge ketireler, yürüş etmege, başqa yerlerde qorçalağanları obyektlerni ve mudafaa sistemalarını yerleştirmege tırışalar", — dep tafsilâtlıca añlattı o.
Bundan ğayrı, Gumenük qayd etti ki, keçenlerde rus askerleri "şahedler"niñ uçuruv meydançıqlarını deñiştirdiler. Keçenlerde Çauda burnundan olarnı uçura ediler, USQniñ bir qaç şiddetli ücümi kösterdi ki, Balaklava bölgesinden de olarnı uçurmağa başladılar.
"Duşmannıñ bu topraqlarda o qadar telükesiz duymaması ve Qırımnıñ Ukraina olğanını hatırlaması ve onıñ içün cenkleşkenimizni hatırlaması öaqsadınen tamam o tarafta Mudafaa quvetleri çalıştılar", — dep qayd etti o.
Ukrainanıñ cenübi mudafaa quvetleriniñ birleşken matbuat merkeziniñ reberi tüşüne ki, Qırım köprü yanındaki patlamalar, tuman maniası ola bile, olar "bu keresiz konfiguratsiya obeyktini qorçalamağ tırışalar".
"Amma yañı da onıñ qaderinen bağlı endişeler ve qorqular yersiz degil — bizim cenk çalışmalarımız devam ete, üzerinde çalışmaq kerekligimiz çoq şey bar. Ve er kün küçlü netice içün bildirilmege degerli olsa, mıtalqa bildirirmiz", — dep Gumenük qayd etti.
Aynı zamanda Kezlev rayonınıñ (sabıq Saq rayonı) Goropaşnik (Lesnovka) köyüniñ sakini Suspilne Qırımğa añlattı ki, qara qış ayınıñ 4-üniñ aqşamı farqlı vaqıtta dört şiddetli patlama eşitti. O sebebinden pencereleri bile terledi.
"Gece maalinde farqlı vaqıtta dört şiddetli patlama eşittim. Saat 21:30ta birinci eki patlama, saat 23:00te daa eki patlama eşittim. Patlamalar şiddetli edi, pencerelerim terledi", — dep ayttı o.
Qara qış ayınıñ 4-ünde Qırımdaki patlamalar aqqında ne bilemiz
Qara qış ayınıñ 4-ünde Kezlev ve Aqyar şeerlerinde ava telükesi ilân etilgen soñ şideetli patlamalar duyuldı. O zaman Qırım köprü de qapatıldı. Ukrain raketalarından biri Aqyarnıñ Yuqarı yılğasındali komandan alâqa noqtaslına urdı.
Şeerniñ işğal gubernatorı Mıhaylo Razvojayev bildirdi ki, evge raketanıñ parçaları tüşkeni sebebinden bir yaralanğan bar. O qoştı ki, raketalarnıñ bir qaç parçası farqlı soqaqlarda tüşti.
USQniñ StratKomu, Aqyardaki komandan noqtasınıñ bozulğanını tasdıqladı. Ukraina Ava quvetleriniñ komandannı Mıkola Oleşçuk ukrain uçucılarına ve qara qış ayınıñ 4-ünde Qırımdaki operatsiyanı planlaştırğan er keske "qurursız arbiy işi" içün teşekkür bildirdi.
Aynı zamanda "Ateş" arbiy-partizan areketi haber berdi ki, SOY Kezlevdeki işğalcilerniñ arbiy qısımına da urdılar. O yerge RLS sistemalarını ketirdiler, dep partizanlar ögrenip bildirdiler.
Bundan ğayrı, qara qış ayınıñ 4-üniñ gecesi Keriç boğazı rayonında patlamalar, Saqqa ateşler aqqında haber berdiler. Aqyar yanında ücüm yoq etildi ve yüz insan tahliye etildi.
Aynı zamanda qara qış ayınıñ 4-ünde RF Mudafaa nazirligi, Qırımda on raketa ve Qara deñiz üstünde bir uçucısız alet tüşürgeni aqqında esabat berdi. Bundan başqa, qara qış ayınıñ 5-iniñ gecesi rus mudafaa müessisesi, yarımada üstünde daa 36 uçucısız alet tüşürgenini bildirdi.
Telegram ve Facebookta Suspilne Qırım haberlerine abune oluñız
