Ukraina Silâlı quvetleri, RFnıñ Qaradeñiz flotunıñ işğal etilgen Aqyar yanındaki Duvanköyde yerleşken komandan noqtasına muvafaqiyetli ücümini tasdıqladılar.
Telegram kanalında USQ StratKom bu aqqında haber berdi.
Aynı zamanda Aqyar şeeriniñ gubernatorı Mıhaylo Razvojayev ayttı ki, şeerniñ şimaliy topraqlarına körüngen tuman, orman yanğını sebebinden. Onıñ sözlerine köre, Aqyar ve Bağrçasaray rayon sıñırında uçucısız aletniñ parçalarınıñ tüşkeni sebebinden ot yanmağa başladı.
"Şu anda yel sebebinden yanğın terek tübündeki ine yapraqlarğa tarqadı, şimdi yanğınnıñ miqdarı 4500 kvadrat metrdir", - dep bildirildi.
Berim ayınıñ 20-sindeki Aqyar rayonındaki patlamalar aqqında ne bilemiz
- Bugün berim ayınıñ 20-sinde Aqyarnıñ farqlı rayonlarında patlamalar duyuldı. İşğal akimiyeti bildirdi ki, Duvanköy ve Kaçi rayonında uçucısız alet tüşürildi. Bundan soñ şeerniñ böyle degen "gubernator"ı Mıhaylo Razvojayev, ava mudafaası sistemasınıñ Aqyarğa raketa ücümini yoq etkenini bildirdi.
- Yerli kanallarnıñ bilgilerine köre, Duvanköydeki arbiy qıdsım yanında, Aqyarnıñ Şimaliy tarafı ve İnkerman arasında yanğın oldı.
- Suspilne Qırımğa tefsir etkende Mudafaa nazirliginiñ Baş istihbarat idaresiniñ vekili Andriy Yusov tasdıqladı ki, işğal etilgen Qırımda Mudafaa quvetleriniñ işi devam ete.
Telegram, Viber ve Facebookta Suspilne Qırım haberlerine abune oluñız
