Ukraina Prezidenti Volodımır Zelenskıy, UTH ve ADQniñ işğal etilgen Qırımdaki Kezlev yanında S-400 "Triunf" zenit raketa kompleksini mahv etüv mahsus operatsiyasını zafer olaraq tanıdı.
Telegramda yayınlanğan berim ayınıñ 14-üniñ aqşamı muracaatında bunı bildirdi.
"Bugün Ukraina Telükesizlik Hızmetini – Hızmetniñ bütün terkibi ve bizim Arbiy-Deñiz quvetlerimizni – taqdirlemek içün bir sebep bar. Bugünki zafer içün sizde teşekkür bildirem: işğalcilerniñ bizim Qırımımızdaki ava mudafaası sisteması mahv etildii. Büyük bir iştir, Maşallah! Ukraina içün cenkleşken er keske şan-şerefler olsun! Ve yardım olğan er keske teşekkür bildirem", – dep ukrain lideri qayd etti.
Що відомо про вибухи в Євпаторії 14 вересня
- Berim ayınıñ 14-ünde işğal etilgen Kezlev yaqınlığındaki Otar Moynaq köyü rayonında bir qaç şiddetli patlama duyuldı. Anda rus işğalcileriniñ 85683. arbiy kısımlarından biri yerleşe, dep yerli sakinleri, Suspilne Qırımğa añlattılar.
- Rusiye Mudafaa nazirligi bildirdi ki, saat 05:30ta Qırımda rus Ava mudafaası sisteması, 11 uçucısız aletni tüşürdi.
- Uçucısız aletlerniñ parçaları Peremoğa caddesi ve Demışeva sokağı çaprazında tüştiler. Demışeva soqağı qapatıldı, anda sabır PrıvatBank yanında uçucısız alet tüşti, dep yerli sakinleri Suspilne Qırımğa añlattılar. Bundan ğayrı, Kezlevliler haber berdiler ki, şeer telâş alındadır: ne olğanını añlamaylar, işğal akimiyeti vaqianı tefsir etmedi, şeerde acele yardım ve işğal politsiyası maşnaları keteler.
Telegram, Viber ve Facebookta Suspilne Qırım haberlerine abune oluñız
