Kezlev yaqınlığında işğalcilerniñ arbiy qısmı rayonında şiddetli patlamalar duyuldı

Berim ayınıñ 14-ünde Cumaaqşamı künü işğal etilgen Kezlev yaqınlığındaki Otar Moynaq köyü rayonında bir qaç şiddetli patlama duyuldı. Anda rus işğalcileriniñ arbiy kısımlarından biri yerleşe.

Yerli sakinleri, Suspilne Qırımğa bu aqqında haber berdiler.

"Şiddetli bir patlama duyuldı, pencereler titrediler. Bütün şeer eşitken. Bundan soñ daa bir qaç patlama duyuldı, daa yavaş. Şimdi şeerniñ soqaqlarında acele yardım maşnaları ve MNS maşnaları keteler", — dep Kezlev şeeriniñ sakini qayd etti.

Şeerniñ sakinleri qayd eteler ki, o rayonda 85683. arbiy qısım yerleşe.

Bundan ğayrı, olar uçucısız aletlerni ve rus Ava mudafaası sistemasınıñ çalışmasını kördiler.

Telegramda Rusiye Mudafaa nazirligi bildirdi ki, saat 05:30ta Qırımda rus Ava mudafaası sisteması, 11 uçucısız aletni tüşürdi.

"Nevebtçi Ava mudafaası sisteması Qırım Cumhuriyetiniñ topraqları üzerinde on bir uçucısız aletni tüşürdi", - dep bildirildi.

Kezlevde şaatlar, tüşürilgen uçucısız aletlerden birinin parçalarınıñ videosını çıqardılar.

UPD:

Yerli sakinleri Susupilne Qırımğa añlattılar ki, uçucısız aletlerniñ parçaları Peremoğa caddesi ve Demışeva sokağı çaprazında tüştiler.

"Şimdi şeer telâş alındadır, patlamalar sebebinden er kes saat 05:40ta uyandı. Yerli akimiyet iç bir şey tefsir etmedi. Ne olğanını belli olmay. Şeerde acele yardım ve yanğın maşnaları keteler. Demışeva soqağı qapatıldı, anda sabır PrıvatBank yanında uçucısız alet tüşti", — dep Kezlevli qayd etti.

Kezlev yaqınlığında işğalcilerniñ arbiy qısmı rayonında şiddetli patlamalar duyuldı. 2023 senesi berimniñ 14-ünde Kezlevde uçucısız aletlerin parçalarınıñ tüşkeni yer.

Qırımdaki soñ patlamalar aqqında ne bilemiz

• Berim ayınıñ 13-ünde RF Mudafaa nazirligi bildirdi ki, qanatlı raketalarınıñ ücümi neticesinde Aqyar deñiz zavodında tamir etilgen eki gemi bozuldı. Anda yanğın sebebinden eñ az 24 insan yaralandı.
• Berim ayınıñ 12-sinde işğal etilgen Qırımnıñ şimalinde Or Qapıdan 40 km uzaqlıqta patlamalar duyuldı.
• Berim ayınıñ 10-unda RF Mudafaa nazirligi bildirdi ki, işğal etilgen Qırımnıñ yalısı yanında Qara deñiz üstünde Ava mudafaası sisteması, sekiz uçucısız aletni tüşürdi.
• Berim ayınıñ 9-ında işğal etilgen Aqmescitteki arbiy qısım yana edi, bundan evel patlama duyuldı. İşğalciler, "turmuş yanğını"nıñ olğanını bildirdiler.

Telegram, Viber ve Facebookta Suspilne Qırım haberlerine abune oluñız