Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) sabıq işğalli gubernatorı ve Rusiye Federatsiyasınıñ sanayı naziriniñ muavini Dmitriy Ovsânnikov 3 yıl ve 4 ay apis cezasını aldı. Onıñ qardaşını şartlı olaraq maküm ettiler. Rusiyege qarşı sanktsiyalarnı bozğan ilk ükümni Büyük Britaniya mahkemesi çıqardı.
TASS Rusiye haber agentliginiñ mühbiri bunı bildirdi.
"40 aylıq apis cezasını berem", — dep Londonnıñ Sazerk rayonındaki Qırallıq mahkemesiniñ mahkemecisi Sara Kokerill bildirdi.
Bundan da ğayrı, mahkemeci Kokerill onıñ qardaşı iş adamı Aleksey Ovsânnikovnı bir yıl ve üç ay şartlı apis cezasına mahküm etti.
Dmitriy Ovsyannikovnıñ apayı, Katerina Ovsânnikova da bu dava boyunca qabaatlanğan edi, amma mahkeme onı dört adise boyunca qabaatsız dep tanıdı.
Hatırlatamız ki, çiçek ayınıñ 9-nda mahkemeciler, Ovsânnikovnı 2023 senesi kiçik aydan 2024 senesi qara qış ayına qadar sanktsiyalarnı bozğanında qabaatlavnıñ yedi maddesinden altısında qabaatlı tanıdı. Bu dava, Büyük Britaniyada Rusiyege qarşı sıñırlavlarnı bozğan ilk mahkeme oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
