Bugün, çiçek ayınıñ 10-nda, Ukrainada Qırımtatar jurnalistikası künü qayd etile. Bu künge qadar Ukraina prezidentiniñ Qırım Muhtar Cumhuriyetindeki temsilciligi işğalciler tarafından qanunsız olara apiske alınğan 18 jurnalist ve vatandaş mühbiri aqqında hatırlattı.
Temsilcilikniñ haberinde bu aqqında aytıla.
Qayd etilgenine köre, tutulğanlarnıñ çoqusı — qırımtatarlardır. Olarnıñ arasında Oleksiy Bessarabov, Dmıtro Ştıblikov, Seyran Saliyev, Marlen (Süleyman) Asanov, Vladıslav Yesıpenko, Tımur İbragimov, Ernes Ametov, Server Mustafayev, İrına Danılovıç, Osman Arifmemetov, Remzi Bekirov, Rustem Şeyhaliyev, Ruslan Süleymanov, Amet Süleymanov, Asan Ahtemov, Vilen Temeryanov, Rustem Osmanov, Aziz Azizov.
Beyanatta halqara toplulıqqa Qırımda jurnalistlerniñ taqip etilüvine diqqat ayırmağa ve işğal etilgen yarımadada söz serbestliginiñ temin etilmesine yardım etmege çağırdılar.
Telegram, WhatsApp, Facebook, TikTok ve YouTubede Suspilne Qırım haberlerine abu
