İşğal etilgen Qırımda Rusiye arbiy istihbaratınıñ veteranları "Grifon" bala klubını teşkil ettiler. 7 yaşından 17 yaşına qadar balalar "arbiy azırlıq esasları"nı ögreneler.
Amerika Cenkni ögrenüv institutı (ISW) bu aqqında haber etti.
"Rusiye veteranları ve faal arbiy hızmetçileri balalarnı RF Baş ştabınıñ Spetsnaz idaresiniñ (GRU), Sovet Devlet havfsızlıq eyyetiniñ (KGB), SSCB İçki işler halq komissarlığınıñ (NKVD) ve SMERŞ (Sovetlerniñ Stalin devrindeki ziddiyetke qarşı istihbaratı) azırlav doktrinasına köre ögretecekler", — dep aytıla haberde.
Esabat müellifleri tahmin eteler ki, "Grifon" ocaları balalarğa öz cemiyetlerinde Ukrainağa qol tutqanlarnı tanımağa ve olarnı işğalcilerge bildirmege ögretecekler.
"Grifon" kibi programmalar ukrain balalarını Rusiye ordusında hızmet etmege azırlay. Rusiye bu arbiy-vatanperver terbiye klubları ve programmalarını kelecekte olacaq ziddiyetler içün askerlikke kütleviy çağırılğan iş küçü yedegini yaratmaq içün qullana, bu ise, Rusiyege, işğalli devlet olaraq, qorçalanğan şahıslarnı onıñ arbiy ya da yardımcı quvetlerinde hızmet etmege mecbur etmege yasaq etken Jeneva şartnamesiniñ 51-inci maddesiniñ açıq bir bozuluvıdır", — dep İSW yazdı.
Hatırlatamız ki, "Almenda" vatandaşlıq maarif merkeziniñ malümatına köre, 2025 senesi çiçek ayına işğal etilgen Qırımda 260 kadet sınıfı çalışa. Keçken oquv yılınıñ soñunda 197 sınıf açıldı, yani yıl devamında işğalciler 63 yañı böyle sınıf açtı. Bundan da ğayrı, 16 kazak sınıfı bar. Umumen yarımadanıñ mekteplerinde 6265 bala arbiy işlerni ögrene.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
