Qırımdan Canköy sakini Herson vilâyetinde işğalli "devlet havfsızlıq hızmeti"niñ (DHH) hadimi oldı. O, insanlarnı esir ala ve işkencege oğrata edi.
Jurnalist taqiqatları merkezi, şübege atıf eterek, bunı bildirdi.
Qayd etildi ki, quvetçiler "A" mahsus operatsiyalar bölüginiñ hadimi olğan Canköy sakininiñ adını taptılar. O, Herson vilâyetinden diger şübelengen adamnen beraber 2022 senesi arman ayınıñ 24-nde adamnıñ evine kirip, qanunsız şekilde azatlıqtan marum etti. Herson şeerinde, Pılıp Orlık soqağı, 15 adresi boyunca esirlikte tutulğan edi. Ruslar onı sıqıştırdı, açlıqtan öldüre ediler.
2022 senesi ilk küz ayınıñ 28-nde Herson civarındaki Prıozerne köyündeki evine alıp ketip, bir aydan çoq tuttılar. 2022 senesi ilk küz ayınıñ 15-nde beş Rusiye istilâcıları başqa bir adamnıñ evine kirip, onı hırsızladılar. Qurbannı aynı Hersondaki "DHH" işğalli idaresiniñ apishanesinde tutula edi. Anda onı azaplay ediler.
"Zarar körgen adamdan istenilgen malümatnı almadan, adamnıñ aqcigerine ava qapatqanlar, başını gazğa qarşı kiyip, nefes aluv deligini eñ azdan beş kere qapatqanlar. Yaralanğan adam bayııldı. Adam özüne kelgen soñ, onı közlerini qapatmağa zorladılar ve qarnına eki kere urdılar. Soñra ruslardan biri onıñ başına protivogaz taqtı ve nefes aluv deligini eñ az beş kere qapattı. Qurban eki kere bayıldı", — dep qabaatlav metninde qayd etildi.
Daa bir ay devamında işğalciler adamğa basqı etmege devam ettiler: bir qaç kere öldürüv qorquzuvları, ayaqlarına demir sopalarnen urulması, ayaqları ve qollarınen baş ve kevdesine urulması, aş ve suv berilmemesi.
Tek 2022 senesi orta küz ayınıñ 17-nde adamnı bir sebepsiz azat ettiler.
Cinayetleri içün UHH eki adamğa cenk qanunları ve adetlerini bozğanlarından şübe bildirdi.
Hatırlatamız ki, Rusiye quvetçileri işğal etilgen Canköy şeeriniñ sakinini tutıp, onı Ukraina içün "casuslıq"ta qabaatladılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
