RFnıñ Pskov vilâyetindeki sert rejimli müstemlekede qanunsız olaraq tutulğan eñ genç siyasiy mabüs Appaz Kurtametniñ sağlıq alı telüke astında qala. Şu cümleden, ruhiy ve duyğu basımı sebebinden.
Siyasiy mabüsniñ anası Ayşe Kurtamet Qırımtatar Maaliy Merkezine bu aqqında haber berdi.
Anasınıñ aytqanına köre, Appaznıñ sport salonı ve kitaphanege kirişi bar, bundan da ğayrı, duş sıñırsız qullana bile.
"Rusiye müessiseleriniñ ölçevleri boyunca medeniy şarait bar, ve eski "Vladimir Merkezi" apishanesinen qıyaslağanda, anda mabüslerge insaniy yanaşma bar", — dep Ayşe Kurtamet tarif etti.
Amma, ağır tutuv şaraiti ve evelki işkence sebebinden onıñ sağlıq alı alâ daa fenalaşa.
"Rejim qattı. Saat altıda turmaq, bir saat gimnastika yapmaq, saat yedide saba aşamaq. Bir saat boş vaqıt qalır", — dep siyasiy mabüsniñ anası qayd etti.
Boş vaqtını oğlan öz-özüni terbiyelemege ve kitap oqumağa sarf ete. Ayşe şunı da qoştı ki, müstemlekedeki umumiy müit, eyileşkenine baqmadan, büyük basqı ve daima başqa mabüslernen beraber olğanı sebebinden, ruhiy alına er vaqıt müsbet tesir etmey.
"Elbette, çeşit insanlarnen körüşmek kerek, ve çeşit meseleler bar — mabüsler arasında davalar ve añlaşılmamazlıqlar, amma Appaznıñ diplomatik tabiatı sayesinde, onıñ bir kimsenen meseleleri yoq, şükürler olsun. "O, kirgin vaqialarnı yımşata bile". Ve böyle bir müit pek zulumlı, sımarış, iftiralar, er şey apishanedeki büyük cemiyette ola, adetince, ve sıñırlav şaraitinde insanlar pek yaramay, bir-birinden nefret eteler, ve er şey iğrenç", — dey Ayşe.
Ayırı bir qadın, Appaznen bağnıñ bayağı eyileşkenini qayd etti. Bu aile içün büyük bir yeñiş, çünki o, uzun vaqıt devamında oğlunıñ sesini eşitmege bile qıyın edi.
"Onı bağladıq, telefonda laf ete bilemiz, künde 15 daqqa sıñırımız bar. Bu endi inkişaf. Niayet, aman-aman üç yıldan soñ ilk sefer oğlumnıñ sesini er kün eşitem", — dep Ayşe Kurtamet qoştı.
Siyasiy mabüsniñ anası, apiske alınğanlar arasında Appaznıñ daa bir qırımtatar olmağanını bildirdi.
Telegram, WhatsApp ve Facebookta Suspilne Qırım haberlerine abune oluñız
