Yedi yılır qanunsız olaraq apiske alınğan İrına Danılovıçnıñ yüreginde ağır ağrılar bar, bu sebepten uyqusı kelmey. Rusiyeniñ Stavropol vilâyetindeki Zelenokumsk şeerindeki apishanede oña kerekli şarait temin etilmey.
Qırımtatar Maaliy Merkezine (QMM) mabüsniñ dostları bunı bildirdiler.
"İrınanıñ dostları, o, makemege muntazam sürette muracaat etkenine baqmadan, yürek ağrısı sebebinden kerekli tibbiy yardım almay, dep qayd ettiler. Apiske alınmazdan evel emşire olıp çalışqan İrınanıñ fikirince, apiske alınğanınıñ ilk aylarında oña yapılğan işkenceler yüreginiñ ağrısınıñ sebebi oldı", — dep aytıla haberde.
Yürek ağrısınıñ sebebi belli degil — bu mikroinfarktnıñ ilk alâmetleri, ya da stress ve sinir telükesi aqibetleri olıp-olmağanı belli degil. Qırımtatar Maaliy Merkezi hatırlata ki, mabüsniñ bir qulağı sağır oldı, çünki oña tibbiy yardım kösterilmedi.
"İrına 120-den ziyade insandan ibaret olğan müstemlekede otura. Tutuluv şaraiti pek yaramay: yazda sıcaq, qışta suvuq, ve suv meselesi bar — o içilmez ve tehnikiy suvğa oşay", — dep QMM bildirdi.
Hatırlatamız ki, İrına Danılovıç 2022 senesi çiçek ayınıñ 29-nda tutuldı. O, patlayıcı maddeler ya da cihazlarnen qanunsız areketlerde qabaatlanıp, apis cezasını çeke.
İrına Danılovıç aqqında ne bilemiz
Saban ayınıñ 29-ında vaqtınca işğal etilgen Qırımda işten evge qaytqanda İrına Danılovıç ğayıp oldı. Aynı kün Kefe yanında Oy Quyu köyündeki evi tintildi. Anda ana-babaları yaşağan ediler, evini tintkende işğal quvetçileri cep telefonı ve tehnikasını alıp çıqardılar.
Bir qaç ay devamında tibbiy yardım talap etken soñ saban ayınıñ 21-inde açlıq çekmege ilân etti — izolâtorda, ayrıca keçken sene üküm çıqarılğan soñ onıñ sağlığı pek zayıfladı.
Cinaiy davasınıñ bilgilerinen tanış olıp bitirmek içün qanunsız "Kefe şeer makemesi"ne ketkende Danılovıç bayıldı. Bundan ğayrı, azaplar sebebinden açlıq ilân eter.
Çiçek ayınıñ 6-sında jurnalist açlıq bitirdi, çünki onı teşkermek ve tedaviylemek içün onı Aqamescitteki SİZOdan hastahanege alıp ketirmege söz berdiler.
Bozarğan aynıñ 29-ında işğal etilgen Qırım Yuqarı makemesi içtimaiy jurnalist ve faalci İrına Danılovıçnıñ ükümini deñiştirdi. Bundan evel patlayıcı alet saqlağanı sebebinden yedi senege malüm etildi. Apellâtsiya makemesiniñ qararına köre ceza müddeti bir ayğa azladılar.
Keçken sene boş ayda bildirildi ki, Danılovıç sanitar olmağan şartlarda buluna ve ihtiyac duyğanına baqmadan onı tedaviylemeyler.
Telegram, WhatsApp ve Facebookta Suspilne Qırım haberlerine abune oluñız
