Divarlarda buz, konvoylarnıñ horlavı ve suvnıñ çürügen qoqusı – aynı böyle şaraitlerde cemiyet jurnalistı ve uquq qoruyıcısı İrına Danilovıçnı Stavropol diyardaki rusiye icraiy müstemlekesinde tutalar. Apisçilerni saatlerce yağmur ve suvuq avada turmağa mecbur eteler, aş ve kerek olğan tibbiy yardımından marum eteler, müstemleke binasında ise – sıçavul ve fırın böcegi top-tolu.
Bunıñ aqqında Qırım. Aqiqatqa insan aqları aqqında Zmina malümat merkeziniñ başı Tetâna Peçonçık tarif etken.
Danılovıçnı yahşı qızdıruvsız 120 şahısqa barağında tutalar: qışta anda buz buzlay, yazda ise – derecesi dayanılmaz ola. Gigiyenik şaraitleri deşetli – amamda yüz qadınğa tek bir qaç suv musluğı çalışa, suv sistemasında ayvanlarnıñ cesetleri sebebinden içme suvnıñ kimerde çürip dağılğan qoqusı bar.
Daa müstemlekede aş cezasını keçireler: aş hanege ilk nevbette tek istisalda çalışqanları kirsetileler, red etkenleri ise – yemeksiz qala. Tibbiy yardımı aqiqaten yoq: apis etilgenleri aylar devamında ekimlerniñ mesleatlarnı bekleyler, ilâçlar ise – memuriyette "coyulalar".
Peçonçıknıñ sözlerine köre, böyle şaraitlerde tek İrına Danılovıç bulunmay – rusiye apishanelerde qırım siyasiy mabuslarnıñ 60-tan ziyadesinde tibbiy yardımınıñ yoq oluvı sebebinden al etici sağlıq alı bar.
Hatırlatayıq ki, Çehiya Tışqı işler nazirligi, Instagram-da Danılovıçnıñ deşetli tutuv şaraitlerni aqqında videonı yayınlap qırım siyasiy mabuslarına qol tutqan.
İrına Danılovıç aqqında ne bilemiz
Saban ayınıñ 29-ında vaqtınca işğal etilgen Qırımda işten evge qaytqanda İrına Danılovıç ğayıp oldı. Aynı kün Kefe yanında Oy Quyu köyündeki evi tintildi. Anda ana-babaları yaşağan ediler, evini tintkende işğal quvetçileri cep telefonı ve tehnikasını alıp çıqardılar.
Bir qaç ay devamında tibbiy yardım talap etken soñ saban ayınıñ 21-inde açlıq çekmege ilân etti — izolâtorda, ayrıca keçken sene üküm çıqarılğan soñ onıñ sağlığı pek zayıfladı.
Cinaiy davasınıñ bilgilerinen tanış olıp bitirmek içün qanunsız "Kefe şeer makemesi"ne ketkende Danılovıç bayıldı. Bundan ğayrı, azaplar sebebinden açlıq ilân eter.
Çiçek ayınıñ 6-sında jurnalist açlıq bitirdi, çünki onı teşkermek ve tedaviylemek içün onı Aqamescitteki SİZOdan hastahanege alıp ketirmege söz berdiler.
Bozarğan aynıñ 29-ında işğal etilgen Qırım Yuqarı makemesi içtimaiy jurnalist ve faalci İrına Danılovıçnıñ ükümini deñiştirdi. Bundan evel patlayıcı alet saqlağanı sebebinden yedi senege malüm etildi. Apellâtsiya makemesiniñ qararına köre ceza müddeti bir ayğa azladılar.
Keçken sene boş ayda bildirildi ki, Danılovıç sanitar olmağan şartlarda buluna ve ihtiyac duyğanına baqmadan onı tedaviylemeyler.
Telegram, WhatsApp ve Facebookta Suspilne Qırım haberlerine abune oluñız
