Rusiye Federatsiyasınıñ Ceza qanunnamesiniñ 275-nci maddesine binaen, işğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeer makemesi 24 yaşındaki yerli sakinni ''devlet hainligi'' içün sert rejimli müstemlekede 15 yılğa üküm etti, 200 biñ rublelik cöreme (60 biñ ğrıvnâ) ve bir yılğa azatlıqtan marum etüv cezası berildi.
Saban ayınıñ 7-nde "makeme"niñ matbuat hızmeti Ukrainada yasaq etilgen "VKontakte" Rusiye içtimaiy ağında bu aqqında haber etti.
"Sevastopol (Aqyar — terciman) şeer makemesiniñ qararınen adam devlet hainliginde qabaatlı tanıldı, yani Rusiye Federatsiyasınıñ vatandaşı tarafından yapılğan casuslıqta — duşmanğa Rusiye Federatsiyasınıñ Silâlı quvetlerine qarşı qullanıla bilecek malümatnı bermek maqsadınen toplanğan, Rusiye Federatsiyasınıñ iştiraginen silâ ve arbiy tehnika qullanılğan diger areketler çerçivesinde yapılğan malümatnı berüvde", — dep aytıla haberde.
Hatırlatamız ki, Rusiyeniñ Ukrainağa istilâsı başlağan soñ Qırımnıñ işğalli akimiyeti eki yañı taqiqat izolâtorını açtı: Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) 2-nci ve 8-nci, üçüncisi ise qurucılıq basamağındadır. Bu SİZOlarda ruslar, hususan, ukrain siyasiy, vatandaş esirlerini tutalar. Qırım SİZOları — bu işkence, açlıq ve suvuq, dep Kreml reineleri qayd ettiler. Suspilne Qırım yarımadada qanunsız şekilde apiske alınğan ukrainalılarnıñ şaraitlerini tarif ete.
Telegram, WhatsApp ve Facebookta Suspilne Qırım haberlerine abune oluñız
