Kıyivde "Sens" kitap tükânında "Serbest Qırımğa mektüpler" teşebbüsiniñ saytında Qırım siyasiy mabüslerine 214 qoltutuv mektübi toplandı. Er kes kiçik aynıñ 20-nden 27-ne qadar iştirak ete bile edi.
Prezidentniñ Qırım Muhtar Cumhuriyetindeki temsilciligi bunı bildirdi.
"Biz, istilâ, Ukraina tarafdarlığı ve öz kimligini saylav tarihları işğalli memuriyetler tarafından qanunsız şekilde cezalandırılğan ve Ukrainada "Qırım siyasiy mabüsleri" olaraq tanılğanlarğa 214 qoltutuv mektübini topladıq", — dep aytıla haberde.
Hatırlatamız ki, siyasiy mabüslerge "Avropa Ukrainanıñ dostları" informal gruppasınıñ Avropa parlamentiniñ mebusları 150 destek mektübini yazdı.
Teşebbüske Avropa Birliginiñ Ukrainadaki temsilciligi ve Avstriya, Bulğaristan, Poloniya, Çehiya, Kanada, Frenkistan, Sloveniya, İsveçiya ve Büyük Britaniya elçihaneleri qoşuldı.
Prezidentniñ Qırımdaki temsilciliginiñ malümatına köre, kiçik aynıñ 3-ne qadar Rusiye işğalli memuriyeti 221 insannı qanunsız alda tuta, olardan 134-ü — qırımtatar halqınıñ vekilidir.
Telegram, WhatsApp ve Facebookta Suspilne Qırım haberlerine abune oluñız
