Qırımda işğalciler yerli sakinlerini basqılarğa oğratmağa devam eteler. Bu afta içinde "makemeler" yarımadanıñ üç sakinini makeme ettiler. Ayrıca, "devlet hainligi" içün 18 yıl, aynı maddesi ve "teraktnıñ azırlanması" içün 15 yıl, daa "aşırıcılıq faaliyetiniñ yapılmasına çağıruvlar" içün 5 yıl.
Suspilne Qırım-nıñ jurnalistleri bu afta içinde Qırım sakinleriniñ taqip etüvleri aqqında belli olğanını topladılar.
Qırımda "devlet hainligi" içün Ruslan Mambetovnı 18 yılğa makeme ettiler.
"Makeme, makemelengenniniñ areketlerini Rusiye Federatsiyasınıñ Cinaiy kodeksiniñ 275 m. boyunca hasiyetlegen – devlet hainligi, yani RF vatandaşınıñ tarafından RF Silâlı quvetlerine qarşı qullanıla bilgen duşmanğa malümatlarnıñ alıp berilmesi maqsadınen yapılğan ya da RF iştirağı ile arbiy tehniksınınh ve silânıñ qullanuvı ile başqa areketlerniñ şaraitlerinde yapılğan casuslıq", – haber etti Qırım Yuqarı işğal makemesiniñ matbuat hızmeti.
"Makemeci" Alla Hınevıç, Kerç rayondaki (sabıq Lenin rayonı) Semısotka (Suv Ağar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı köy sakini Ruslan Mambetovğa qattı nizamlı icraiy müstemlekesinde 18 yıl ve ileride 1 yıl 6 ayğa azatlıqnıñ sıñırlamasınen ve 100 biñ ruble (30 biñ grivna) miqdarında para cezasını tayin etken.
Qırımda yerli sakinini "ekstremist faaliyetine çağıruvlar" içün 5 yıldan ziyade apishanesine yerli sakinini makeme ettiler.
Qırımdaki Kirov işğal rayon makemesi, yerli sakinni RF Cinaiy kodeksiniñ 280 maddesi – "ekstremist faaliyetine çağıruvlar" içün 5 yılğa ve umumiy rejimli icraiy müstemlekesinde 10 künge makeme etken.
Daa 2 yıl ve 6 ayğa internette muracaatlar ve başqa malümatlarnıñ tarqatıluvınen saytlarını idare etmege yasaq ettiler.
"Tahqiqatnıñ" malümatlarına köre, 2021 senesi boş ayında erkek, rağbetli olğan videohostingleriniñ birinde saifeni yaratqan.
"Makemelengen, mahsus arbiy ameliyatınıñ keçirilüvi vaqtında Rusiye Federatsiyasınıñ Silâlı quvetleriniñ areketlerinen razı olmağanından ibaret olğan video yazuvlarınen tanış olğan bir qaç kanalını tapqan. Vilâyet sakini, videolar astında millet alâmetine köre qayd etilgen şahıslar zümresine dair tecavuziy areketlerniñ yapılmasınıñ eda etilmesine çağıruvlarınen tefsirlerni yazğan edi", – qayd etti "makeme" matbuat hızmeti.
Rusiyede qırımlını "Ukrainanen bağı" içün 15 yılğa makeme ettiler
39 yaşında olğan işğal etilgen Qırımnıñ sakini, Rostov vilâyetinde rusiye makemesinden müstemlekesinde 15 yılnı ve 1,5 yılğa azatlıqnıñ sıñırlamasını alğan. Onı "devlet hainliginde" ve "teraktnıñ azırlanılmasında" qabaatladılar.
Rusiye tahqiqatınıñ versiyasına köre, o, ukrain mahsus hızmetlerinen bağlanıp yaqıcı granatalarını işlep çıqarmağa ögrenip rusiye timsalâtınen maşnasını yaqmağa planlaştıra edi eken.
"Simferopolde (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı bulunaraq, toplanılğan granatalarnıñ yardımı ile rusiye akimiyeti ve arbiy hızmetçilerini desteklegen timsalâtınen maşnasını yaqmağa niyeti bar edi, amma o, uquq qoruyıcı organlarınıñ hadimlerinen tutuıp alınğan", – ilân etti Rostov vilâyetinde prokuror.
"Ecnebiy teşkilâtınen işdeşlik": işğalciler Yaltadaki qırımtatarı Çaraz Akimovnıñ "davasını" "makemege" alıp berdiler
"Tribunal. Qırım levhası" malümatına köre, 2024 senesi ilk qış ayında qırımtatarı "Telegram-da arbiy tehnikasınıñ keçüvi aqqında subetleşüvi" içün qırımtatarını tutıp aldılar. Eki ayğa az qaldı "davanı" baqıp işğal makemesine alıp berdiler.
"Böyle davalarda makeme ceryanlarınıñ bütünle qapatuvına ve FTH hadimlerinen basqılarnıñ keñ ameliyatına köre, Çaraz Akimovğa dair qabaatlavlarınıñ delili pek şübeli. aynı bu alda qanunsız süretet azatlıqtan marum etüvi ve yahşı makemeciligine irişimniñ sıñırlamasınen bağlı cenk cinayetiniñ alâmetleri bar", – bildirdiler bu uquq qoruyıcı teşebbüsiniñ talilcileri.
Qırımda büyük miqyaslı ücüminiñ başalnuvından beri "rusiye ordusınıñ itibardan tüşürüvi" içün qırımlılarğa dair 1 242 "davanı" açtılar
QMC-de Ukraina prezidentiniñ temsilciliginiñ malümatına köre, "RF-nıñ SQ-niñ itibardan tüşürüvi" aqqında maddesini işğalciler Qırımda Ukraina vatandaşlarınıñ taqip etüvi içün böyle sebeplerden qullanalar:
- cenkke qarşı aytuvlar;
- içtimaiy ağlarda ukrain devlet bayrağınıñ resiminiñ neşir etüvi;
- yarımadanı Ukrainanıñ işğal etilgen territoriyası kibi adlamağa ıntıluvları;
- ukrain tarafdarlığını köstergen aytuvlar;
- "Ukrainağa şan-şeref!" şiarınıñ aytuvı;
- Ukraina territoriyasında rusiye arbiylerinen yapılğan arbiy cinayetleriniñ makeme etüvi.
Telegram, WhatsApp ve Facebookta Suspilne Qırım haberlerine abune oluñız
