"Tavrida" matbaa baş müdiriniñ vazifelerini eda etken qadınnı duşmannen işdeşlik faaliyetiUkraina CQniñ 111-1. maddesiniñ 4-nci qısmı, 27-nci maddesiniñ 5-nci qısmı, 111-1. maddesiniñ 5-nci qısmı içün, mal-mülküni musadere etip, yedi yıl apis cezasına maküm ettiler. O, işğal etilgen Qırımda qanunsız saylavlarnıñ keçirilmesine yardım etkeninde qabaatlana.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı Telegramda bu aqqında haber etti.
Bundan ğayrı, qadınğa 10 yıl devamında teşkiliy-tertipke ketirüv ve memuriy-içtimaiy vazifelerni eda etüv aqqından marum etildi.
"Makemede prokurorlar 2022 senesi arman ayında maküm etilgen qadın "Qırım Cumhuriyetiniñ saylav eyyeti"nen 2022 senesi berim ayında "Qırım Cumhuriyetiniñ Devlet Şurası II çağırışınıñ" mebuslarınıñ nevbetten tış saylavlarında rey berüv içün bülletenlerni azırlamaq içün 508 biñ rusiye rublesi miqdarında devlet kontraktını tizip alğanını isbatladılar", — dep aytıla haberde.
Prokurorlıqnıñ qayd etkenine köre, maküm etilgen qadın istilâcı devletnen işbirlik tuttı ve Ukraina qanunlarını bozıp, Rusiyege vaqtınca işğal etilgen Qırım yarımadasında qanunsız saylavlarnı teşkil etmege yardım etti.
UHHniñ Qırım MCdeki Baş idaresi mahsus makemeden evelki taqiqatnı keçirdi.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram,WhatsApp ve Facebookta Suspilne Qırım haberlerine abune oluñız
