2024 senesi ukrain makemeleri Ukraina Cinayet qanunnamesiniñ 111-inci maddesine (devlet hainligi) istinaden 106 qabaatlav ükümini çıqardı. Bu davalar Rusiye işğalli akimiyetinen işbirlik yapqan Qırım sakinlerine dair.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı Suspilne Qırımnıñ sorğusına bergen cevabında bu aqqında aytıldı.
Müessiseniñ malümatına köre, prokurorlıq devlet hainligi boyunca 155 cinaiy davanıñ baqılmasını idare etti. Olardan 106 davası makeme qararınen yekünlendi.
Bundan ğayrı, Ukraina Cinayet qanunnamesiniñ 111-1 maddesi (işbirlik faaliyeti) boyunca keçken sene makemeciler Qırımdan kelgen 24 insanğa qarşı 23 üküm çıqardı.
"Devlet hainligi içün mesüliyetke çeküv meselesi, davanıñ bütün şaraitini köz ögüne alıp, ayrı qarar alına", — dep muhtariyet prokurorlığınıñ cevabında bildirildi.
Hatırlatamız ki, Qırımnıñ işğali başlağan soñ Ukraina uquq qorçalayıcı organları yarımadada qanunsız tutuv ve tintüvler boyunca 300-den çoq cinaiy davanı tahqiq etti, dep Qırım Muhtar Cumhuriyeti ve Sevastopol (Aqyar) şeeriniñ prokurorlığı Suspilne Qırımnıñ sorğusına bergen cevapta bildirildi.
Bundan ğayrı, ukrain uquq qorçalayıcıları işğal etilgen Qırımda Ukraina vatandaşlarına qarşı yapılğan cinayetlerde 11 "arbiy komissar"nıñ iştirak etkenini isbatladılar. Taqiqat neticesinde makemege altı qabaatlav vesiqası yollanıldı, eki adam endi maküm etildi.
Telegram, WhatsApp ve Facebookta Suspilne Qırım haberlerine abune oluñız
