Ukraina uquq qoraçalayıcıları işğal etilgen Qırımda Ukraina vatandaşlarına qarşı yapılğan cinayetlerde 11 "arbiy komissar"nıñ alâqası bar olğanını isbatladı. Taqiqat neticesinde makemege altı qabaatlav vesiqası yollanıldı, eki adam endi maküm etildi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı Suspilne Qırımnıñ sorğusına bergen cevabında bu malümat qayd etildi.
Uquq qorçalayıcılarnıñ aytqanlarına köre, makemeden evelki taqiqat devamında 11 "arbiy komissar"nıñ halqara gumanitar uquqnıñ bozuluvında iştirak etkenine dair deliller toplandı. Makemege altı qabaatlav aktı yollanıldı, olardan ekisi — "Aluşta şeeriniñ ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ arbiy komissarı" ve "Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ ve Kirov rayonınıñ arbiy komissarı" — üküm etildi.
Prokurorlıq qoştı ki, işğalli akimiyet Qırım sakinlerini arbiy hızmetke mecbur ete, bu ise Jeneva şartnamesiniñ 51-inci maddesiniñ bozuluvıdır. Rusiye silâlı quvetlerine 34 biñden çoq Qırım sakini askerlikke alındı.
"Qırım yarımadasınıñ sakinlerini Rusiye Federatsiyasınıñ silâlı birleşmelerinde hızmet etmege mecbur etüv usullarından biri — "arbiy hızmetten vazgeçken" şahıslarnı cinaiy mesüliyetke çekme qorquzuvıdır. İşğalci devlet RF silâlı birleşmelerinde hızmet etmege istemegen Qırım sakinlerini böylece taqip ete", — dep prokurorlıqnıñ cevabında añlatıldı.
Prokurorlıqnıñ malümatına köre, çağıruvdan yalıñız Rusiye vatandaşlığından vazgeçüvnen qurtulmaq mümkün, amma bu içtimaiy saada, hususan tibbiyet ve tasil aluvda büyük sıñırlavlar ketire.
Telegram, WhatsApp ve Facebookta Suspilne Qırım haberlerine abune oluñız
