Rusiye Federatsiyasınıñ Apellâtsiya arbiy mahkemesi devlet hainligi ve UHHnen işbirlik yapqanında qabaatlanıp, sert rejimli müstemlekede 18 yılğa üküm etilgen Qırım sakini Serhiy Saulâknıñ ükmüni deñiştirmedi. Makeme qapalı şekilde keçirildi, dava tafsilâtları belli degil.
Qırım ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) Rusiye FSBniñ işğalli idaresi bu aqqında haber etti, dep RİA "Novosti Krım" yazdı.
"Apelâtsiya arbiy makemesi, devlet hainliginde şübeli sayılıp, 2022 senesi ilk qış ayında Qırım Cumhuriyeti ve Sevastopol (Aqyar) şeeridenki Rusiye FSBsi tarafından tutulğan Rusiye vatandaşı Saulâk Serhiy Petroviçke nisbeten Cenübiy bölgeniñ arbiy makemesiniñ ükümini deñiştirmedi", — dep müessise bildirdi.
İşğalciler Saulyaknı 2022 senesi ilk qış ayında "devlet hainligi"nde şübeli sayıp tuttılar. 2024 senesi mayıs ayında birinci instantsiya makemesi onı "terror faaliyetine qoltutuv" ve "devlet hainligi" maddelerine binaen qabaatladı. Daa soñ Moskva vilâyetiniñ Vlasis şeerindeki Apellâtsiya arbiy makemesi bu ükümni deñiştirmedi.
Rusiye quvetçileriniñ malümatına köre, Saulâk 2016 senesi UHHe celp etilgen edi, ve Rusiyeniñ Ukrainağa tolu miqyaslı istilâsından soñ "para içün ukrain mahsus hızmetlerine Rusiye ordusı aqqında malümat bergen edi". Onı "2022 senesiniñ yazında Sevastopolda (Aqyarda) memuriy binanı yaqması içün tanışını celp etüv"de qabaatladılar.
Ukraina tarafınıñ makeme ükmünen bağlı izaatları ve reaktsiyaları şimdilik yoq.
"Obşçestvo Memrial"nıñ malümatına köre, Saulâk — Ukraina vatandaşı, Vinnıtsâ vilâyetiniñ Yampil rayonında doğdı. 2022 senesi ilk qış ayınıñ 1-nde esirlikte alındı, 2024 senesi saban ayında ise Rosfinmonitoringniñ "terrorcılar ve aşırıcılar" cedveline kirdetildi.
Telegram, WhatsApp ve Facebookta Suspilne Qırım haberlerine abune oluñız
