Qırımda işğal akimiyeti, qırımtatar jurnalistler ve siyasiy faallerine qarşı basqılarnı quvetleştire. 2023 senesi ilk qış ayından 2024 senesi ilk küz ayına qadar yarımadada "Rusiye silâlı quvetlerniñ itibardan tüşürüvi" içün 254 insannı makeme ettiler.
Bunıñ aqqında 2024 senesi dünyada insan aqlarnıñ vaziyetine dair Human Rights Watch uquq qoruyıcı teşkilâtınıñ esabatında denile.
Basqını siyasiy sebeplerden davalarnı alıp barğan advokatlar da duyğanlar.
"Oraq ayında siyasiy sebeplerden açılğan davalarda qırımtatarlar ve başqa şahıslarnıñ meraqlarını köstergen uquq qoruyıcı Öleksiy Ladinni sanki dersin uquq ahlâqınıñ bozuluvı sebebinden advokat litsenziyadan marum ettiler. O, 2014 senesi Rusiye ile yarımadanıñ işğalinden beri Qırımda böyle kibi endi dörtünci vaqiasıdır", – denile esabatında.
Tibbiy yardımına irişimnen meseleler siyasiy mabuslar içün birinci nevbetteki olıp qalalar.
"İrina Daniloviç, Rusiyeniñ cenübindeki apishanesinde kerek olğan tibbiy yardımına irişimsiz qala. Rusiye qanuniyetinen alillerge alıp berilgen uquq imayesine baqmadan 2024 senesi ilk küz ayında akimiyet, saqatlı Öleksandr Sizikovnı apis etken", – bildire Human Rights Watch.
Esabatta daa şunı qayd ettiler ki, basqılarğa baqmadan ukrain akimiyeti, faallerniñ işten çıqaruvında ayrı ilerilevine irişken. 2024 senesi kiraz ayında esirlerniñ deñişüvi vaqtında qırımtatar halqnıñ Meclis baş muavini Nariman Celâlnı serbest ettiler. İlk küz ayında ise – "Qırım birdemliginiñ" faali Leniye Ümerova vatanğa qaytqan.
Telegram, WhatsApp ve Facebookta Suspilne Qırım haberlerine abune oluñız
