Sabıq siyasiy mabus, Qırımtatar Milliy Meclisiniñ başınıñ birinci muavini Nariman Celâl BMniñ Havfsızlıq Şurasınıñ «Arriya» formatındaki toplaşuvında Rusiye apishanelerinde Qırım siyasiy mabusleriniñ qarşılaşqan sınavları, şu cümleden şahsiy tecribesi aqqında çıqış yaptı. O, sağlıqları ağır alda olğan ve azapqa oğratılğanlarnıñ adlarını da qayd etti.
Qara qış ayınıñ 13-nde Nyü-Yorkta BMniñ Havfsızlıq Şurasınıñ toplaşuvında bunı bildirdi.
"2014 senesinden başlap men işğal etilgen Qırımda yaşay ve çalışa edim, Rusiye akimiyeti tarafından qanunsız siyasiy sebeplerden taqipler neticesinde bir çoq faalci ve jurnalist, şu cümleden men de, apiske alındı. Cinaiy davalar uydurıldı. Bizge qarşı azap ve zorbalıqlar qullanıldı, — Celâl qayd etti.
Onıñ aytqanına köre, anonim adamlarnıñ şaatlıqları Rusiye ya da işğal makemelerinde ukrain siyasiy mabüslerine qarşı delil olaraq qullanıldı. Neticede, olar adaletke irişmekten marum qalalar, beyanatlarğa ve qabaatlavlarğa qarşı narazılıq bildiremezler.
Bundan ğayrı, Celâl aydınlattı ki, Rusiye Federatsiyasınıñ apshanelerinde tibbiy yardım almaq ayrıca qıyın. Oña deyerlik bütün arizalar cevapsız qalmaqta.
"Apishanelerden birinde bizge töşekler üstüne oturmay ediler, skemle üstünde oturmaq ya da kameranıñ etrafında yürmek kerek edi. Bu sebepten ayaqlarım şişti. Başqa türmede meni töşekke oturmağa mecbur ete ediler ,tabanğa yatmağa mecbur oldım, çünki menim sıcağım yüksek edi, amma ekim meni iç bir vaqıt ziyaret etmedi, em de ekimniñ ruhseti olmadan töşek üstüne yatmaq olmaz», — dedi.
Kremlniñ sabıq mabüsi qayd etti ki, Rustem Gügrik, İrına Danılovıç, Ğalına Dovğopolova, Amet Süleymanov, Tofik Abdulgaziyev, Timur Abdulayev «ve daa çoq siyasiy mabüs» şimdiki vaqıtta ağır alda.
"Men şahsen siyasiy mabusler keçken pek çoq makeme aqqında bilem: yaramay aş, tibbiy yardımnıñ bermemesi, ahlâqiy ve bedeniy horlanuv, zorbalıq. Simferopol (Aqmescit) apshanesinde meni ve başqa mabuslerni köteklep, ıncıttılar. Bizni Rusiye gimnini yırlamağa mecbur ettiler", — dep qayd etti.
Celâl ayrıca qayd etti ki, 2021 senesi berim ayında işğalciler tarafından onen beraber tutulğan qardaşlar Asan ve Aziz Ahtemovlar, Şefket Useinov ve Eldar Odamanov oña çekiştirüvler aqqında ayttılar.
"Olarnı vahşiyce urıp, elektrik aqımnı qullanıp eziyetlediler, öldürmeknen, şu cümleden balalarını öldürmeknen qorquzdılar. Apiste men Herson vilâyetinden kelgen bir ukrainlinen tanış oldım, o, işğalcilerniñ apayını 2014 senesi eziyetlegenleri aqqında ikâye etti ondan ücüm yapqanını itiraf etmek emirini berdi», — dep Celâl qayd etti.
Meclisniñ başınıñ birinci muavini qoştı ki, ruslar da siyasiy mabüslerni niyetlenilgen icret içün defalarca çekiştirüv ve urğan soñ çıqardılar. Olarnı baş yanında atqanlar, «cinayetçiler içün şeñ edi».
Sabıq siyasiy mabüs «Qırımnı Rusiye işğal etmesine qarşı açıqtan-açıq çıqış yapqanından» üç yıl Rusiye apshanesinde qaldı.
«Men azat olmazdan bir afta qalğanda, menim apshaneme FSB hadimleri keldiler, olardan birisi menden: «Eger sen özüñni apske alacağıñnı bilseñ, bu aqta bilseñ, ne içün barmadıñ?», — dep soradı. pek duyğulı cevap berdi. Men böyle dedim: «Siz menim Vatanıma basqın ettiñiz, ne içün men ketmek kerekim?», dedi Celâl.
Telegram, WhatsApp ve Facebookta Suspilne Qırım haberlerine abune oluñız
