Ukraina istihbaratı, Magura V5 deñiz dronından raketanen urulğan Rusiye Mi-8 vertolötınıñ uçucısınıñ itiraflarını aldı. Panikada bulunğan subetinde, o, uçuş vaqtını ve onıñ vertolötınıñ ciddiy zarar körgenini tarif etti.
Ukraina Mudafaa nazirliginiñ Baş istihbarat idaresi bu aqqında haber etti.
"Patlav edi — maña urdılar. Suvdan çıqarıldı. Bundan soñ, daa bir patlav oldı. Men onı endi körmedim, o qayda ketti, birincisini ise doğru menim üstüme ketti ve yaqında patladı — helikopterden sezindim, bazı sistemalar bozuldı”, — dedi uçucı bağlanğanda.
Hatırlatamız ki, Ukraina Mudafaa nazirliginiñ Baş İstihbarat İdaresiniñ mahsus hızmetçileri ilk sefer deñiz dronı yardımınen ava maqsadını yoq ettiler. Bu ücüm vaqtında zarar körgen Rusiyeniñ Mi-8 vertolötı Qara deñizge tüşti, bu videoğa çekildi. Muvafaqiyetli ücüm vaqtınca işğal etilgen topraqlarda işğalli arbiy astyapınıñ bozuluvı içün nevbetteki adım oldı.
Telegram, WhatsApp ve Facebookta Suspilne Qırım haberlerine abune oluñız
