2024 senesi ilk qış ayınıñ 31-nde Qara deñizde, vaqtınca işğal etilgen Qırımnıñ Tarhan Qut burnu yanında, Ukraina Mudafaa nazirliginiñ "Group 13" mahsus bölüginiñ askerleri ava maqsadını yoq etmek içün dünyada ilk sefer Magura V5 ücüm deñiz dronını qullandılar.
Ukraina Mudafaa nazirliginiñ Baş istihbarat idaresi bu aqqında haber etti.
"Ukraina Mudafaa nazirliginiñ Bİİniñ "Group 13" mahsus bölüginiñ arbiyleri tarihta ilk sefer raketa silâlarınen donatılğan Magura V5 ücüm deñiz dronı vastasınen ava maqsadını urdılar", — dep aytıla haberde.
Yañı R-73 "SeeDragon" raketalarınen donatılğan dron vastasınen Mi-8 Rusiye arbiy vertolötı yoq etildi. Daa bir duşman vertolötı zarar kördi, amma bazağa çıqıp oldı.
Telegram, WhatsApp ve Facebookta Suspilne Qırım haberlerine abune oluñız
