Vaqtınca işğal etilgen Qırımda rusiye akimiyeti, yerli ealini basqığa oğratıp taqip etmege devam ete. Ayrıca, insanlarnı yerli milis aqqında malümatnıñ toplaması, devlet hainligii ve "diversiyalar" kibi uydurılğan cinayetler içün makeme eteler.
Suspilne Qırım, keçken afta içinde yarımada sakinlerine alıp çıqarılğan qanunsız ükümlerniñ sırasını azırlağan.
Cankoynıñ kör sakini, "şahsiy malümatlarnıñ toplavı" içün maküm etilgen
Saqatlıqnıñ ilk gruppasına ait olğan Canköy sakini İgor Nikitenkonı işğal makemesi, rusiye milisiniñ şahsiy malümatlarnıñ toplavı ve tarqatıluvı aqqında maddesineRF MBK 17.13 m. 2 q. dair 40 biñ ruble16 biñ grivna miqdarında cöreme ödetti.
"Qararğa köre, Nikitenko, VKontakte-deki "Kiçik Qırımda davalar" gruppasında bir qaç milis hadiminiñ malümatlarnı açqan. O, quvetçilerniñ fotoresimlerni, soyadlarını, adlarını, babasınıñ adlarını, iş yerini, rutbelerni ve doğğan tarihlarnı neşir etti. Cezasını Aqmescitteki Kiyev makeme rayonınıñ 10-ncı makeme noqtasınıñ "sulh makemecisi" alıp çıqarğan", – haber etti advokat Emil Kürbedinovğa atıf etip mustaqil qanun qoruyıcı "İİB-İnfo" media leyhası.
"Devlet hainligi" içün institut hadimini makeme ettiler
Qırımdaki işğal makemesi, Aqyarda şeer qurucılıq, mimarlıq, qıdıruv ve müitiniñ leyha ve ilmiy-tetqiqiy institutınıñ baş mütehassısını makeme etken. Qadınnı devlet hainliginde ve "ukrain mahsus hızmetlerinen" işdeşliginde qabaatladılar.
Rusiye tahqiqatı ilân etkeni kibi, qadın, 2006-2014 seneleri Aqyardaki memuriyetinde çalışqan vaqıtta "Ukraina mahsus hızmetiniñ agenti" onı celp etken.
"2015 senesi ömür arqadaşı, Ukrainağa daima yaşaması içün köçip ketken, amma qadınnen bağını tutmağa devam etken. Onıñ ricası ile 2023 senesi saban ayında qadın, nezaret etip fotoresimlerni çıqarıp ukrain istihbaratına Rusiye Federatsiyasınıñ Qaradeñiz flotnıñ gemileriniñ bulunğan yeri aqqında malümatnı alıp bergen edi", – denile beyanatta.
Qadınğa umumiy rejimli tüzetüv cezahanesinde bulunuvınen 15 yılğa ve bir yıl müddetine azatlıqtan marum etüvini ve 200 biñ ruble79 biñ grivna miqdarında cöremeni tayin ettiler.
Qırımda sanki dersin diversiyalarnıñ yapılması içün erkekni 22 yılğa maküm ettiler
Rotov-na-Donudaki cenübiy işğal rayon makemesi, Ukrainağa RF-nıñ büyük miqyaslı ücüminiñ başlanuvından soñ Qırımğa köçken Zaporijjâ asılını makeme etken.
Erkekni 22 yılğa azatlıqtan marum etüvine makeme ettiler, olardan ilk 5 yılnı o, apishanede bulunıp keçirmeli, qalğan müddetini ise – qattı nizamlı müstemlekede. Oña daa 1 mln ruble 397 biñ grivnacöreme ödettiler.
Qırımda "Qırım" gazetasınıñ baş muarririne cöreme ödettiler
"Qırım" gazetasınıñ esasçısı ve baş muarririne işğal makemesi, şuralar disidenti Lüdmila Öleksiyeva aqqında qayd etüvi içün cöreme ödetken.
Bundan da ğayrı, "Roskomnadzor", gazeta hadimlerini "Amerika sesi" ve "Azatlıq radiosı"-nı "ecnebiy agentleri" olaraq belgilevsiz qayd etilmesinen malümatnıñ neşir etilmesinde qabaatlağan.
İlk qış aynıñ 12 Aqmescitteki işğal demiryol makemesi, gazetanıñ baş muarriri Bekir Mamutovnı "malümat serbestliginiñ suistimali" aqqında maddesiRF MBK 13.15 m. 2.1 q. boyunca tahminen 1600 grivnağa cöreme ödetti.
Telegram, WhatsApp ve Facebookta Suspilne Qırım haberlerine abune oluñız
