Bazarertesi künü, ilk qış ayınıñ 18-nde, Qırımda Yaltanıñ yalısında kazak urbasını kiyip çalğan ukrain kobzarı, banduracısı Ostap Kindraçuk vefat etti. O 87 yaşında edi.
Onıñ Facebook saifesinde bu aqqında haber etildi.
"Bu gece Ostap Yuriyovıç vefat etti. Nurlar içinde yatsın!" — dep bildirildi.
Ukrain jurnalisti Vasıl Çepurnıynıñ bildirgeni kibi, Kindraçuk Ğalıçınada doğdı, o, Yaltada tedaviylene edi, anda da yolcu gemisiniñ kapitanı olıp çalışmağa devam etti.
1955 senesi bandura çalmağa başladı, 1980 seneleriniñ soñunda ise Amvrosiy Metlınskıy adına ukrain tili cemiyetini meydanğa ketirdi, soñra o "Prosvita" adını aldı.
Yaltada Kindraçuk yerli kapellada bandura çalmağa başladı, soñra ise ukrain şeerleriniñ soqaqlarında, şu cümleden Lvivde, banduranen çıqışta buluna edi. Bundan ğayrı, çetelde de çıqışta bulundı: Lehitsan, Almaniya, Çehiya. O, halq sözlerini, tarihiy yırlarnı, tükürlerni ve zemaneviy yırlarnı icra ete edi.
O, Qırım ve Kubanda kazaklarnıñ tarihını tedqiq ete edi. Lehistanda banduracı eki audiofilm çıqardı, "Kobzar yolları" filminde ve "Roksolana" serialında oynadı.
Bundan da ğayrı, Kindraçuknıñ yardımınen Yaltada Lesâ Ukraina müzeyi açıldı, anda o, bazar künü mektebiniñ ocası olıp çalışa edi.
Telegram, WhatsApp ve Facebookta Suspilne Qırım haberlerine abune oluñız
